Tag Archives: weekly market analysis in marathi

आजचं मार्केट – १3 एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १3 एप्रिल २०२१

आज क्रूड US $ ६३.५५ प्रती बॅरल आणि US $ ६३.६४ प्रती बॅरल या दरम्यान तर रुपया US $१= Rs ७५.०६ वर स्थिर होता. (आज करन्सी मार्केट बंद होते.) US $ निर्देशांक ९२.१० VIX २१.५४ आणि PCR १.४३ होते. USA १० वर्षे बॉण्ड यिल्ड १.६६८ होते.

आज गुढी पाडवा नव वर्षांची सुरुवात या शुभ दिनी आपणा सर्वाना हे वर्ष सुखाचे समृद्धीचे यशस्वी, आरोग्यदायी, आणि आनंदाचे जावो ही शुभेच्छा आणि ईश्वरचरणी प्रार्थना.

UK मध्ये पंतप्रधान बोरिस जॉन्सन यांनी लॉकडाऊन बर्याच प्रमाणात शिथिल केला पण नागरिकांना सर्व नियम पाळून सावध राहण्याचे आवाहन केले.

आज DGCI ने स्पुटनिक V या व्हॅक्सिनला इमर्जन्सी वापरासाठी मंजुरी दिली.

आज DR रेड्डीज, स्ट्राइड्स फार्मा, ग्लॅन्ड फार्मा, आणि PANACEA बायोटेक यांनी RDIF बरोबर स्पुटनिक V साठी करार केला. त्यामुळे आज ह्या सर्व शेअर्समध्ये तेजी होती.

आज NEGVAC (नॅशनल एक्सपर्ट ग्रुप ऑन व्हॅक्सिन ऍडमिनिस्ट्रेशन) या सरकारी संस्थेने USFDA, UK MHRA, PMDA जपान या सारख्या परदेशी रेग्युलेटर्सनी जर एखाद्या व्हॅक्सिनला मंजुरी दिली असली तर अशा व्हॅक्सिनला भारतात मंजूरी देण्याची शिफारस केली. याचा फायदा PFIZER या कंपनीला होत असल्यामुळे हा शेअर तेजीत होता. तसेच आज सिप्लाने रेमडीसीवीर या औषधाचे उत्पादन वाढवण्याचे ठरवले.

व्हिनस रेमिडीज या कंपनीने भारतात CLOTI-XA लाँच करण्यासाठी वेस्ट फार्मा बरोबर करार केला. या बातमीनंतर या कंपनीच्या शेअरमध्ये तेजी आली.

स्कायमेटने सांगितले की यावर्षी पाऊस समाधानकारक, पुरेसा, आणि सर्व भागात पडेल . या बातमीनंतर एस्कॉर्टस, M & M, फर्टिलायझर, शेतकी अवजारे, बीबियाणे बनवणाऱ्या कंपन्यांच्या आणि शेती क्षेत्राशी संबंधित कंपन्यांच्या शेअर्समध्ये तेजी आली. मार्केटने या सर्व सकारात्मक बातम्यांचा धागा पकडला आणि स्कायमेटच्या पावसाच्या अनुमानानंतर मार्केटमध्ये बऱ्यापैकी तेजी आली.

काल टी सी एस चा चौथ्या तिमाहीचा निकाल चांगला आला. उद्या इन्फोसिस आपले चौथ्या तिमाहीचे निकाल जाहीर करेल. आज IT क्षेत्रातील कंपन्यांच्या शेअर्समध्ये प्रॉफिट बुकिंग झाले.

उद्या दोन बँकांची खाजगीकरणासाठी निवड करण्यासाठी मंत्रिमंडळाची बैठक आहे. खाजगीकरणासाठी शॉर्टलिस्ट केलेल्या IOB, सेंट्रल बँक, बँक ऑफ महाराष्ट्र आणि बँक ऑफ इंडिया या चारही बँकांचे शेअर्स अपर सर्किटला पोहोचले.
GST वसुली FY २१ या वर्षांसाठी Rs.५ .४८ लाख कोटी एवढी झाली तर कस्टम्स कराची वसुली Rs १.०९ लाख कोटी झाली.

टाटा मोटर्स ;- JLR मधून चांगला कॅश इंफ्लो येईल आणि कॅशफ्लो ब्रेकइव्हन होईल. जग्वार चे २३४६३ आणि लँड रोव्हरच्या १२०००० युनिट्सची विक्री झाली. चीनमधील विक्री १२७% ने वाढली. त्यामुळे टाटा मोटर्सचा शेअर तेजीत होता.

ICICI लोम्बार्ड चे प्रीमियम उत्पन्न ३१% ने तर न्यू इंडिया इंशुअरंस या कंपनीचे प्रीमियम उत्पन्न २२.३%ने वाढले. त्यामुळे या शेअर्समध्ये तेजी आली.

अडाणी ग्रीनने चित्रकूटमध्ये ५० MV चा सोलर प्लान्ट सुरु केला.

L & T ने सौदी अरेबियामध्ये ३०० MV च्या सोलर प्लांटच्या निर्मितीचे काम सुरु केले.

आज मी तुम्हाला EID पॅरी या कंपनीचा चार्ट देत आहे. ही कंपनी साखर उत्पादन क्षेत्रातील असून तिच्याकडे कोरोमांडल मधील १६% ते १७% शेअर आहे.EID पॅरी हा शेअर २०० DMA चा सपोर्ट घेत आहे. मार्चमध्ये या शेअरने नवा हाय बनवला. आज या शेअरमध्ये सरासरी व्हॉल्युम पेक्षा जास्त व्हॅल्यूमने खरेदी झाली. आज स्कायमेटने पावसाचे समाधानकारक अनुमान दिले.

आज BSE निर्देशांक सेन्सेक्स ४८५४४ NSE निर्देशांक निफ्टी १४५०४ आणि निफ्टी बँक ३१७७१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १२ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १२ एप्रिल २०२१

आज क्रूड US $ ६२.७२ प्रती बॅरल ते US $ ६३.६९ प्रती बॅरल या दरम्यान तर रुपया US $१=Rs ७४.७४ ते US $१=Rs ७५.०६ या दरम्यान होते. US $ निर्देशांक ९२.२८ VIX २२.९१ PCR १.४२ होते. USA १० वर्षे बॉण्ड यिल्ड १.६५९ होते.
आज US $ मध्ये मजबुती आणि US १० वर्षाचे बॉण्ड यिल्ड १.६७ च्या जवळ असल्याने सोन्यावर दबाव होता. पण कोरोनाच्या केसेस वाढत असल्यामुळे अनिश्चितता लक्षात घेता सोन्याला थोडा सपोर्ट ही मिळाला.

सूर्य रोशनी या कंपनीला Rs ३०० कोटींची मोठी ऑर्डर मिळाली.

आज US $ मजबुत झाल्यामुळे आणि चीनच्या प्रमुखांनी असे सांगितल्यामुळे की स्टील, कॉपर, अल्युमिनियम, निकेल आणि अन्य कमोडिटीजमधील तेजीमुळे महागाई( इंडस्ट्रियल इन्फ्लेशन) वाढत आहे. यासाठी वेळ आली तर या मेटल्सचे ( स्टील, कॉपर, अल्युमिनियम, निकेल) रिझर्व्ह साठे रिलीज करू. चीनच्या सरकारने बँकांना सांगितले की तुम्ही मेटल्ससाठी कर्ज देण्याचे प्रमाण कमी करावे. या चीनच्या प्रमुखांच्या घोषणेनंतर मेटल्ससंबंधीत शेअर्समध्ये मंदी आली. मेटल्स इंडेक्समध्ये २% ते ३% घट झाली.

तसेच मार्केटवर भारतातील बहुसंख्य राज्यातील कोरोनाच्या वाढत्या प्रादुर्भावाची छाया पडली. बहुसंख्य राज्यात आता निर्बंध किंवा लॉकआऊट लागू होतील आणि त्यामुळे औद्योगिक प्रगती मंदावेल. या भीतीमुळे आज मार्केट्मध्ये मोठ्या प्रमाणावर आणि बहुसंख्य शेअर्समध्ये प्रॉफिट बुकिंग झाले.

आज टी सी एसने आपले चौथ्या तिमाहीचे निकाल जाहीर केले. प्रॉफिट ६.२%ने वाढून Rs ९२४६ कोटी झाले. EBIT Rs ११७३४ कोटी झाले आणि EBIT मार्जिन २६.८% . उत्पन्न Rs ४३७०५ कोटी आणि US $ उत्पन्न US $ ५९८.९ कोटी झाली. रेव्हेन्यू ग्रोथ ४.२% तर US $ रेव्हेन्यू ग्रोथ ५% झाली.

इन्फोसिस १४ एप्रिल २०२१ रोजी शेअर बायबॅक वर विचार करेल आणि आपले चौथ्या तिमाहीचे निकाल जाहीर करेल.

मार्च २०२१ मध्ये CPI ५.५२% (५.०३%) २०२१फेब्रुवारी मध्ये IIP -३.६% होते.

स्पुटनिक V च्या इमर्जन्सी यूजसाठी सब्जेक्ट एक्स्पर्ट कमिटीने शिफारस केली.

आज मी तुम्हाला ल्युपिनचा चार्ट देत आहे. या शेअरमध्ये रेंज ब्रेकआऊट आहे फार्मा कंपन्या सध्या तेजीत आहेत आणि रुपया US $ १= Rs ७५ झाला आहे. त्यामुळे फार्मा कंपन्यांना फायदा होईल.

आज BSE निर्देशांक सेन्सेक्स ४७८८३ NSE निर्देशांक निफ्टी १४३१० बँक निफ्टी ३०७९२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ९ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ९ एप्रिल २०२१

आज क्रूड US $ ६२.९९ प्रती बॅरल ते US $ ६३.२९ प्रती बॅरल तर रुपया US $१= Rs ७४.६९ ते US $१=Rs ७४.९३ या दरम्यान होते. US $ निर्देशांक ९२.०४ VIX २०.२० PCR १.६४ होते. USA १० वर्षे बॉण्ड यिल्ड १.६२ होते.

आज USA मधील मार्केट्स तेजीत होती. जपान सोडून इतर आशियायी मार्केट्स मात्र मंदीत होती. पॉवेल यांनी सांगितले की USA अर्थव्यवस्थेला पुन्हा एक सशक्त आणि महान अर्थव्यवस्था बनवू.

भारती एअरटेलला डॉटने व्हिडिओकॉनची जुनी AGR बाकी Rs १३७६ कोटी देण्यासाठी नोटीस पाठवली. भारतीच्या म्हणण्यानुसार अशी काही बाकी देणे नाही.

अशोक लेलँडच्या स्विच मोबिलिटी ऑटोमोटिव्हने इलेक्ट्रिक मोबिलिटीसाठी सिमेन्स या कंपनीबरोबर करार केला.
S H केळकर या कंपनीने ‘NOVA FRAGRANZE’ या इटालियन कंपनीत ७०% स्टेक खरेदी केला.

अल्केम लॅबने चाकण येथील नवीन युनिटमध्ये उत्पादन सुरू केले. हा शेअर तेजीत होता.

एशियन पेंट्स या डेकोरेटिव्ह पेंट्स उत्पादन क्षेत्रातील कंपनीने आता होम फर्निशिंग क्षेत्रात प्रवेश केला. हे मार्केटला फारसे पसंत पडले नाही.

L & T ला सौदी अरेबियाकडून सोलर प्लांटसाठी मोठी ऑर्डर ( Rs ५००० कोटी ते Rs ७००० कोटींच्या दरम्यान) मिळाली.
तेलंगणा आणि आंध्र प्रदेशात सिमेंटचे भाव वाढणार असल्यामुळे आज मिडकॅप आणि स्माल कॅप सिमेंट कंपन्यांमध्ये तेजी होती. ऊदा :- NCL इंडस्ट्रीज, दिग्विजय सिमेंट

भारतामध्ये बॉण्ड यिल्ड ६.१२ वरून ५.९९ झाले होते.. त्यामुळे बँकांमध्ये खरेदी दिसली. तसेच जास्त कंपन्या बॉण्ड्स इशू करतील आणि त्यासाठी क्रेडिट रेटिंग करून घेणे आवश्यक असते. त्यामुळे ICRA सारख्या रेटिंग एजन्सीचा फायदा होईल.

आज सिमेंट, फार्मा, टेस्टिंग लॅब, हॉस्पिटल्स, IT, सरकारी राष्ट्रीयीकृत बँका या क्षेत्रात खरेदी दिसली.

आज मी तुम्हाला मुथूट फायनान्सचा चार्ट देत आहे. सोने तारण ठेवून कर्ज देणारी ही कंपनी आहे. Rs ५५००० ते Rs ५७००० पासून सोन्याचा भाव पडत होता. त्यामुळे त्यांनी तारण म्हणून ठेवून घेतलेल्या सोन्याची किंमत कमी होते. म्हणून शेअरचा भावही पडत होता. या चार्टमध्ये निळसर रंगाची रेषा २०० DMA आहे पिवळ्या रंगाची रेषा १५० DMA चे आहे. या दोन लाईनच्यामध्ये हा शेअर बरेच दिवस कन्सॉलिडेट होत होता. HOURLY चार्ट मध्ये डबल बॉटम फॉर्म झाला.जवळ जवळ दोन आठवडे या शेअरने लो पाईंट तोडला नाही. Rs १३६० प्रती शेअर या किमतीवरून Rs १२०० प्रति शेअरपर्यंत करेक्शन झाले. या शेअरने आता प्राईस व्हॉल्युम ब्रेकआऊट दिला आहे.

BSE निर्देशांक सेन्सेक्स ४९५९१ NSE निर्देशांक निफ्टी १४८३४ बँक निफ्टी ३२४४८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ८ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ८ एप्रिल २०२१

आज क्रूड US $ ६२.८० प्रती बॅरल ते US ६२.९१ प्रती बॅरल या दरम्यान तर रुपया US $१=Rs ७४.२३ ते US $ १= Rs ७४.५९ या दरम्यान US $ निर्देशांक ९२.३० VIX २०.५० PCR १.७४ होते. USA १० वर्षे बॉण्ड्स यिल्ड १.६७४ होते.

USA मध्ये गॅसोलीनची इन्व्हेन्टरी वाढल्यामुळे क्रुडमध्ये मंदी होती. US $ निर्देशांक मजबूत असल्यामुळे आणि फेडने आपण सध्याची पॉलिसी चालू ठेवू असे सांगितल्यामुळे सोने एका मर्यादित रेंजमध्ये होते.

स्टर्लिंग आणि विल्सन या कंपनीने Rs ४०२ कोटींच्या कर्जाची परतफेड केली. कंपनीने त्यांचा सोलर बिझिनेस अडाणी ग्रुपला विकला.

आंतरराष्ट्रीय मार्केटमध्ये स्टील, आयर्न ओअर च्या किमती वाढत आहेत. वेगवेगळ्या देशात सरकारने इन्फ्रास्ट्रक्चरवर सरकारी खर्च वाढवला आहे. तसेच कन्स्ट्रक्शन सेक्टर. ऑटो सेक्टर, रेल्वे आणि निरनिराळ्या सरकारी योजना यामुळे स्टीलसाठी मागणी वाढत आहे. स्टीलच्या किमती Rs ५००० टन आणि लम्प ओअर च्या किमती Rs ५०० प्रती टन वाढवल्या. कोल्ड रोल्ड कॉइल्स, TMT बार्स आणि वायर यांच्याही किमती वाढतील.

HRC ( हॉट रोल्ड कॉइल ) याचा उपयोग ऑटो, कन्स्ट्रक्शन आणि डोमेस्टिक अप्लायन्सेस उद्योगामध्ये केला जातो. यांच्या किमती Rs ४५०० ते Rs ५००० प्रती टन वाढवल्या तर लॉन्ग स्टीलच्या किमती ( हे इन्फ्रास्ट्रक्चर आणि कन्स्ट्रक्शन उद्योगात वापरले जाते.) Rs ३००० प्रती टन वाढवल्या. युरोपमध्ये US $ १००० प्रती टन, पश्चिम आशियामध्ये US $ ९०० प्रति टन, तर चीनमध्ये US $ ८७० एवढ्या वाढल्या आहेत.

भारतातील स्टीलच्या किमतीमध्ये आणि आंतरराष्ट्रीय स्टीलच्या किमतीमध्ये Rs १०००० प्रती टन एवढा फरक आहे. भारतातील किमती Rs १०००० प्रती टन एवढ्या कमी आहेत.

चीन पर्यावरणाच्या कारणामुळे स्टीलचे उत्पादन कमी करत आहे. लम्प ओअरच्या किमती Rs ५३५० फाईन्सच्या किमती Rs ४३१० एवढ्या आहेत HRC ची किंमत Rs ५७६०० आणि TMT च्या किमती Rs ५२५०० आहे. एप्रिलमध्ये या किमती आणखी वाढण्याची शक्यता आहे.

या किमतीतील वाढीमुळे आज मेटल्स आणि विशेषतः स्टील आणि आयर्न ओअरचे उत्पादन करणाऱ्या कंपन्यांमध्ये लक्षणीय तेजी होती. उदा टाटा स्टील, कल्याणी स्टील, JSW स्टील. SAIL, JSPL, जिंदाल स्टील. IMF ( इंटरनॅशनल मॉनेटरी फंड) ने सांगितले की मेटल इंडेक्स यावर्षी ३०% फायदा देईल.

IFFC ( इंडियन फार्मर्स फर्टिलायझर्स कोऑपरेटिव्ह) ने ५० किलोच्या DAP(डाय अमोनियम फॉस्फेट) ची किंमत Rs १२०० वरून Rs १९०० केली. म्हणजेच ५८.३३% वाढवली. तसेच NPK ( नायट्रोजन फॉस्फेट पोटॅशियम) खतांच्या किमती ५५% ने वाढवल्या. कारण आंतरराष्ट्रीय मार्केटमध्ये फॉस्फरीक ऍसिड आणि रॉक फॉस्फेट च्या किमती वाढल्या आहेत. तसेच भारतात याची उपलब्धता कमी असल्यामुळे परदेशातून आयात करावी लागते. त्यामुळे DAP आणि NPK यांच्या किमतीत वाढ करण्यात आली.

आज २५८ शेअर्सचे सर्किट फिल्टर वाढवले.

सिलिकोमँगॅनीजच्या किमतीत लक्षणीय वाढ झाल्यामुळे MOIL आणि मैथॉन अलॉईज या शेअर्समध्ये तेजी आली.
आज मेटल्स, सिमेंट, शुगर, IT आणि फर्टिलायझर्स तसेच टेस्टिंगलॅब आणि हॉस्पिटल्स या क्षेत्रात तेजी होती.

आज मी तुम्हाला इंद्रप्रस्थ गॅस या कंपनीचा HOURLY चार्ट देत आहे. हायर टॉप हायर बॉटम पॅटर्न तयार होत आहे.हा शेअर ट्रँग्यूलर कन्सॉलिडेशन मध्ये होता. लो तोडला नाही. नवीन ब्रेकआऊट होण्याची शक्यता आहे. OSCILLATERS सुद्धा हेच दाखवत आहे.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ७ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ७ एप्रिल २०२१

आज क्रूड US $ ६२.३४ प्रती बॅरल ते US $ ६३.११ प्रती बॅरल या दरम्यान तर रुपया US $१= Rs ७३.५२ ते US $१=Rs ७४.२६ या दरम्यान होते. US $ इंडेक्स ९२.२६ VIX २०.२४ PCR १.७ होते. आज रुपयाची Rs ०.८५ ने घसरण झाली.
१० वर्षे USA बॉण्ड यिल्ड १.६६६५ होते.

सरकारने AC आणि लेड लाईट साठी PLI स्कीम जाहीर केली. याचा फायदा बजाज इलेक्ट्रिकल्स, विप्रो, डिक्सन, अंबर, वोल्टास, ब्ल्यू स्टार या कंपन्यांना होईल.

गोआ कार्बनच्या पारादीप युनिटमध्ये कामकाज सुरु झाले.

आज BARBEQUE नेशन या कंपनीच्या शेअरचे NSE वर Rs ४८९.८५ आणि BSE वर Rs ४९२.०० वर लिस्टिंग झाले. IPO मध्ये हा शेअर Rs ५०० प्रती शेअर या भावाने दिला होता.

AB कॅपिटल च्या म्युच्युअल फंड कंपनीचा IPO लवकरच येत आहे. AB कॅपिटल त्यांचा म्युच्युअल फंडामधील स्टेक या IPO द्वारा विकेल. AB SUN AMC ची व्हॅल्यू Rs २०००० कोटी ते Rs २५००० कोटी आहे. मार्केट कॅपिटलायझेशन Rs २.६५ कोटी आहे.

कामधेनू इस्पात आपला पेंट कारभार डीमर्ज करण्याची शक्यता आहे. ही एक DEBT फ्री कंपनी आहे.
सोलर पॅनल साठी सरकारने PLI स्कीम जाहीर केली. याचा फायदा बोरोसिल रिन्यूएबल्स, जॉन्सन हिताची यांना होईल.
IDFC I st बँकेने Rs ५७.३५ प्रती शेअर या भावाने QIP इशू केला. या बँकेचे CASA डिपॉझिट Rs ४६०२० कोटी होते.

आज RBI ने आपली द्वैमासिक वित्तीय पॉलिसी जाहीर केली. रेपोरेट ४%, रिव्हर्स रेपोरेट ३.३५% CRR ३.५% इत्यादी सर्व रेटमध्ये कोणताही बदल केला नाही. RBI ने आपला स्टान्स अकामोडेटिव्ह ठेवला. RBI ने सांगितले की अर्थव्यवस्थेला सपोर्ट आणि नर्चर साठी आणि अर्थव्यवस्थेत स्थैर्य आणण्यासाठी RBI आपले लक्ष केंद्रित करेल. आर्थीक उलाढाल सामान्य होत आहे. शेती आणि संलग्न क्षेत्रातील उत्पादन समाधानकारक आहे.

RBI ने FY २१-२२ या वर्षांसाठी रिअल GDP ग्रोथचे अनुमान १०.५% ठेवले आहे. दुसऱ्या तिमाहीत ८.३% तिसया तिमाहीत ५.४% चौथ्या तिमाहीत ६.२% ठेवले आहे.

महागाईचे (CPI) अनुमान चालू वर्षाच्या Q-४ मध्ये ५% तर FY २१-२२ या वर्षाच्या पहिल्या तिमाहीत ५.२%, दुसया तिमाहीत ५.२% तिसऱ्या तिमाहीत ४.४% तर चौथ्या तिमाहीत ५.१% असेल. RBI ने महागाई २% ते ६% या मर्यादेत ठेवण्याचे लक्ष्य ठेवले आहे.

लिक्विडीटी पोझिशन समाधानकारक स्तरावर ठेवली जाईल. एवढेच नव्हे तर सिस्टीममध्ये लिक्विडिटीचे पुरेसे सरप्लस राहील याची काळजी घेतली जाईल.

RBI ने राज्यसरकारांसाठी वेज आणि मीन्स ऍडव्हान्स Rs ४७०१० कोटी मंजूर केले तसेच कोविडच्या काळात इमर्जन्सी तत्वावर दिलेले Rs ५१५६० कोटी चालू ठेवले.

RBI ने गव्हर्नमेंट सिक्युरिटीज अक्विझिशन प्रोग्रॅम जाहीर केला. यामुळे लॉन्ग टर्म बॉण्ड्स यिल्ड मध्ये स्थैर्य येईल. RBI FY २१-२२ च्या पहिल्या तिमाहीत Rs १ लाख कोटीच्या सरकारी सिक्युरिटीज खरेदी करेल. RBI एप्रिल १५ २०२१ रोजी Rs २५००० कोटी गव्हर्नमेंट सिक्युरिटीज खरेदी करेल.

RBI ने भारतातील सर्व फायनान्सियल इन्स्टिट्यूटसाठी Rs ५०००० कोटी पर्यंत रिफायनान्स फॅसिलिटी जाहीर केली.
TLTRO स्कीमची डेडलाईन ३० सप्टेंबर २०२१ पर्यंत वाढवली.

RBI आता लॉन्गर टर्म व्हेरिएबल रेट रिव्हर्स रेपो ऑक्शन सुरु करेल. यामुळे जरी ओव्हरनाईट व्याजाचे रेट्स रिव्हर्स रेपो रेट च्या जवळपास राहतील पण जशी जशी मुदत वाढेल तसे व्याजदर वाढत जाईल.

आज मी तुम्हाला SAIL या कंपनीचा चार्ट देत आहे. SAIL ही स्टील उत्पादन क्षेत्रातली रेल्वेचे रूळ बनवणारी कंपनी आहे. या वेळेला या कंपनीची विक्री वाढली आहे आणि कर्ज कमी झाले आहे. ऍसेंडिंग ट्रँगलचा ब्रेकआऊट झाला आहे. आणि कप आणि हॅण्डल पॅटर्नचाही चांगल्या व्हॅल्युमसह ब्रेकआऊट झाला आहे. हा सेक्टर सध्या तेजीत आहे.

BSE निर्देशांक ४९६६१ NSE निर्देशांक निफ्टी १४८९१ बँक निफ्टी ३२९९१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ६ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ६ एप्रिल २०२१

आज क्रूड US $ ६२.७३ प्रती बॅरल ते US $ ६३.२५ प्रती बॅरल या दरम्यान तर रुपया US $१= ७३.३० ते US $१=Rs ७३.४३ या दरम्यान होते. US $ निर्देशांक ९२.५७ VIX २१.१२ PCR १.६१ होते. USA १० वर्षे बॉण्ड यिल्ड १.७१ होते.

USA मधील सर्व्हिस सेक्टरचा रिपोर्ट चांगला आला. याला दोन कारणे झाली. (१) मोठ्या प्रमाणावर झालेले लसीकरण (२) फिस्कल स्टिम्युलस. नॉन मॅन्युफॅक्चरिंग ऍक्टिव्हिटी निर्देशांक सुधारला. प्रतिकूल हवामानामुळे या निर्देशांकाला फटका बसला होता.

जपानमध्ये रिअल वेजीस आणि लोकांची क्रय शक्ती वाढली.

ओपेक+ मे- जून आणि जुलै २०२१ मध्ये उत्पादन वाढवणार आहे. कोरोनाच्या दुसऱ्या लाटेमुळे क्रूडसाठी असलेली मागणी कमी झाली. इराणमध्ये क्रूडचे उत्पादन वाढल्यामुळे क्रूड US $ ६२ प्रती बॅरलच्या जवळपास आले.

सैनिकी उपकरण उत्पादनासंबंधात रशिया आणि भारत यांच्या बोलणी सुरु आहेत. याचा फायदा BEML आणि भारत डायनामिक्स यांना होईल.

ICRA ने सांगितले की भारतातील फर्टिलायझर क्षेत्राविषयीचा दृष्टीकोन पॉझिटिव्ह केला. मान्सून नॉर्मल असेल. खरीप हंगामाचे पीक चांगले येईल. शेतीपासून मिळणारे उत्पन्न वाढेल. सबसिडीचा बॅकलॉग नाही. उलट सरकारने Rs ६२६०२ कोटी आत्मनिर्भर ३.० पॅकेजअंतर्गत दिले. वेळेवर सबसिडी दिली. त्यामुळे शेतीसाठी आता खेळत्या भांडवलाचा तुटवडा भासणार नाही. म्हणून आज PI इंडस्ट्रीज, UPL असे शेअर्स तेजीत होते.

रेसिडेन्शियल होम मार्केट सुधारले. घरांची विक्री आणि नवीन प्रोजेक्टच्या लाँचमध्ये वाढ झाली. ७१९६३ युनिटची विक्री झाली. ही विक्री ४४%नी जास्त आहे.यामुळे शोभा प्रेस्टिज इस्टेट, ब्रिगेड या शेअर्समध्ये तेजी होती.

फ्रेट ट्राफिक कमी झाला. १२ मेजर पोर्टमध्ये कोरोनाच्या संकटामुळे अडथळे आले.

पॅनासिया बायोटेक या कंपनीने १०० मिलियन ‘स्पुटनिक V’ व्हॅक्सिन चे डोसेस बनवण्यासाठी रशियन इन्व्हेस्टमेंट डेव्हलपमेंट फंडाबरोबर करार केला. या बातमीनंतर शेअरला थेट अपर सर्किट लागले.

HDFC ही कंपनी केरळ इन्फ्रास्ट्रक्चर डेव्हलपमेंट फंडामध्ये ९.९% स्टेक खरेदी करणार आहे.

८०० MHZ स्पेक्ट्रम वापरण्यासाठी भारती एअरटेल आणि रिलायन्स जिओ ने Rs १०३७.६० कोटींचा ‘राईट टू यूज’ करार केला. भारती एअरटेलच्या स्पेक्ट्रमचा वापर आंध्र प्रदेश, दिल्ली मुंबई या ठिकाणी रिलायन्स जिओला करता येईल.

BARBEQU नेशन या कंपनीच्या शेअर्सचे लिस्टिंग उद्या बुधवारी तारीख ७ एप्रिल २०२१ रोजी होईल.

एअर रिच यार्न आणि एअर रिच फॅब्रिक बनवण्यासाठी ट्रायडण्ट या कंपनीला USA मध्ये पेटन्ट मिळाले.

बजाज फायनान्स या कंपनीने सांगितले की आमच्या AUM ( ऍसेट अंडर मॅनेजमेंट) मध्ये ४% वाढ झाली. २३ लाख नवीन ग्राहक जोडले.Rs१६००० कोटी लिक्विडीटी सरप्लस आहे. डिपॉझिट ४०% ने वाढले. लोनग्रोथ मात्र ८% ने कमी झाले .
D – मार्टची २३४ स्टोर्स आहेत. २२ नवी स्टोर्स उघडणार आहेत. स्टॉक वाढत आहेत.

एस्कॉर्टस ही कंपनी कन्स्ट्रक्शन मशिनरी विकते. या क्षेत्रात कंपनीची चांगली ग्रोथ आहे.

अडानी पोर्टची कार्गो व्हॉल्युम ग्रोथ ४१% झाली. एकूण २६ मिलियन मेट्रिक टन एवढी झाली.म्हणून या शेअरमध्ये लक्षणीय तेजी होती.

१ मे २०२१ पासून एशियन पेन्ट्स त्यांच्या प्रॉडक्ट पोर्टफोलिओमधील सर्व आयटेम्सच्या किमती वाढवणार आहे.म्हणून शेअर्स तेजीत होता.

आज GM ब्रुअरीज ने आपल्या चौथ्या तिमाहीचे निकाल जाहीर केले. प्रॉफिट, उत्पन्न आणि ऑपरेशनल मार्जिन वाढले कंपनीने Rs ४ प्रती शेअर लाभांश जाहीर केला.

भारतातही बॉण्ड यिल्ड वाढत आहे. उद्या जाहीर होणाऱ्या RBI च्या द्वैमासिक पॉलिसीमध्ये RBI वाढणारी महागाई, अर्थव्यवस्थेची ग्रोथ आणि वाढणारे बॉण्ड यील्ड यांचा समन्वय कसा साधते याकडे मार्केटचे बारकाईने लक्ष असेल. याबरोबरच कोरोनाच्या वाढत्या प्रादुर्भावाचाही यात विचार करायचा आहे.

आज मार्केट मध्ये अडानी ग्रुपचे, मेटल क्षेत्रातील तसेच मेटल क्षेत्राशी संबंधित शेअर्स तेजीत होते. आज सरकारने हॉटेल्स बार सिनेमा हॉल आणि रेस्टारंट बंद ठेवायला सांगितल्यामुळे PVR इनॉक्स लेजर, आणि हॉटेल क्षेत्राशी संबंधित शेअर्स मंदीत होते. त्याच बरोबर टेस्टिंग लॅब्स, हॉस्पिटल्स, आणि फार्मा क्षेत्रातील शेअर्स तेजित होते.

आज मी तुम्हाला टाटा कन्झ्युमर या कंपनीचा मंथली चार्ट देत आहे. हा FMCG क्षेत्रातील शेअर असल्यामुळे यांच्यावर कोरोनाच्या दुसऱ्या लाटेमुळे घातलेल्या निर्बंधाचे किंवा लॉकडाऊनचे कमी परिणाम होतील. या शेअरने Rs ६५४ चा लाइफटाइम हाय पार केला. आणि शेअरने ब्ल्यू स्काय टेरिटरीत प्रवेश केला. हा शेअर हाय टॉप हाय बॉटम पॅटर्नमध्ये आहे.

BSE निर्देशांक सेन्सेक्स ४९२०१ NSE निर्देशांक निफ्टी १४६८३ बँक निफ्टी ३२५०१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ५ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ५ एप्रिल २०२१

आज क्रूड US $ ६३.३५ प्रती बॅरल ते US $ ६४.४८ प्रती बॅरल या दरम्यान तर रुपया US $१=Rs ७३.३४ ते US $१=Rs ७३.४५ या दरम्यान होते. VIX २३.१४ PCR १.५८ होते. USA १० वर्षे बॉण्ड यिल्ड १.७० होते.

आज चीन, जपान, तैवान,इटली, UK,जर्मनी,फ्रांस, ऑस्ट्रेलिया, न्यूझीलंड ही मार्केट्स बंद होती. USA मधील जॉब रिपोर्ट ( ९.१६ लाख) चांगला आला.

ओपेक+ ने मे आणि जून २०२१मध्ये ३.५ लाख बॅरल्स आणि जुलैमध्ये ४.५ लाख बॅरेल्स उत्पादन वाढवायला मंजूरी दिली.
RBI च्या मॉनेटरी पॉलिसी कमिटीची दोन दिवसांची बैठक आज सुरु झाली. बुधवार ७ एप्रिल २०२१ रोजी RBI त्यांची द्वैमासिक वित्तीय पॉलिसी जाहीर करेल.

भारतातही कोरोनाचा प्रादुर्भाव वाढत आहे. बहुतेक राज्यांमध्ये निर्बंध लागण्याची शक्यता आहे. या निर्बंधांमुळे लॉजिस्टिक्सवर आणि सप्लायचेनवर परिणाम होईल.मार्च महिन्यातील PMI ५५.४ एवढा कमी झाला तो फेब्रुवारी मध्ये ५७.५ होता. भारतामध्येही बॉण्ड यिल्ड वाढत आहे. त्यामुळे व्याजाचे दर वाढण्याची शक्यता आहे. विशेषतः मॉल्स, थिएटर्स, सभागृहे,हॉटेल्स यांच्यावर जास्त परिणाम होईल. या सगळ्यांचे प्रतिबिंब आज मार्केटमध्ये दिसले. मार्केटमधील सेंटीमेंटमध्ये थोडा भीतीचा प्रवेश झाला. मार्केटने निफ्टी १४५०० चा स्तर सोडला म्हणून मार्केट निफ्टी ३०० पाइंटने पडले.
या सर्व कारणांमुळे मार्केट पडत राहिले. IT आणि मेटल क्षेत्रातील कंपन्यांचे चौथ्या तिमाहीचे आणि त्याचबरोबर वार्षिक निकाल चांगले येतील या अपेक्षेने IT क्षेत्रातील कंपन्यांमध्ये तेजी होती. तसेच काही बँकांनी त्यांच्या डिपॉझिट, ऍडव्हान्सेसचे आकडे जाहीर केले. पण आज बँक निफ्टीमध्ये खूपच घसरण झाली. औद्योगिक उलाढाल काही प्रमाणात कमी झाल्यामुळे बँकांवरही त्याचा प्रतिकूल परिणाम होईल.सुप्रीम कोर्टाच्या व्याजावरील व्याज परत करण्याच्या निर्णयामुळे बँकांवर Rs १८०० ते Rs २००० कोटींचा बोजा पडेल. त्यामुळे बॅंक शेअर्समध्ये मंदी आली.

हिरो मोटो या कंपनीचे विक्रीचे आकडे ( ५.५७ लाख युनिट्स) चांगले आले. TVS मोटर्सचि विक्री ३.०७ लाखयुनिट तर बजाज ऑटोचिर ३.६९ लाख युनिट झाली पण बजाज ऑटोची निर्यात कमी झाली. रॉयल एन्फिल्डच्या विक्रीतही मामुली वाढ झाली.

फेडरल बँकेच्या डिपॉझिट आणि ऍडव्हान्सेस मध्ये चांगली वाढ झाली. CASA डिपॉझिट मध्येही लक्षणीय वाढ झाली. HDFC बँकेच्याही डिपॉझिट आणि ऍडव्हान्सेसमध्ये अनुक्रमे १६.३% आणि १४% वाढ झाली.

LIC ने बाटा इंडियाचे २६ लाख शेअर्स खरेदी केले त्यामुळे आता LIC चा स्टेक ८.१५% झाला.

IRCON या रेल्वेशी संबंधित सार्वजनिक क्षेत्रातील सरकारी कंपनीने १:१ असा बोनस जाहीर केला. तुमच्या जवळ असलेल्या एक शेअरमागे तुम्हाला १ बोनस शेअर मिळेल.

आता काही कंपन्यांच्या निकालांच्या तारखा TCS १२ एप्रिल, इन्फोसिस १४ एप्रिल , विप्रो, माईंडट्री १५ एप्रिल, HDFC बँक १७ एप्रिल, नेस्ले २० एप्रिल

आज मी तुम्हाला बर्जर पेंट्सचा चार्ट देत आहे. गेल्या तीन दिवसात हा शेअर कन्सॉलिडेशनमध्ये होता. या शेअरमध्ये मंदीचा ट्रेंड दृष्टीस पडत आहे.

आज BSE निर्देशांक सेन्सेक्स ४९१५९ NSE निर्देशांक निफ्टी १४६३७ बँक निफ्टी ३२६७८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १ एप्रिल २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १ एप्रिल २०२१

आज क्रूड US $ ६३.३९ प्रती बॅरल ते US $ ६४.०५ प्रती बॅरल या दरम्यान होते. आज करन्सी मार्केट बंद असल्यामुळे रुपया US $१= ७३.११ वर स्थिर होता. US $ निर्देशांक ९३.२५ VIX २०.२७ PCR १.६६ होते.USA १० वर्षे बॉण्ड यिल्ड १.७१ होते.

काल USA चे अध्यक्ष बिडेन यांनी US $२.२५ ट्रिलियनचे पॅकेज देणार आहे असे सांगितले. हे पॅकेज ८ वर्षाच्या कालावधीमध्ये खर्च केले जाणार आहे. यामुळे रोजगार आणि उत्पन्न वाढेल. या बरोबरच आयकर आणि वेल्थ टॅक्स वाढवले जातील असे सांगितले.ही गुंतवणूक करण्यासाठी टेक्नॉंलॉजीची मदत आवश्यक आहे. त्यामुळे टेक्नॉलॉजीचे शेअर्स वाढले.

आज ऑटो कंपन्यांचे विक्रीचे आकडे जाहीर झाले.हे विक्रीचे आकडे गेल्या एप्रिलच्या लहान बेसशी तुलना करता चांगले वाटतात. M & M आणि एस्कॉर्टस आणि VST टिलर्स अँड ट्रॅक्टर्स यांचे ट्रॅक्टर विक्रीचे आकडे चांगले आले. टाटा मोटर्स,आणि मारुती यांचे आणि , आयशर मोटर्सचे कमर्शियल वाहन विक्रीचे आकडे चांगले होते.

सरकार इथेनॉल उत्पादनात Rs १००० कोटींची गुंतवणूक करणार आहे. ५ नवीन प्रोजेक्ट्सना मंजुरी मिळाली. ५ कोटी लिटर जादा इथेनॉलचे उत्पादन होईल. आतापर्यंत सरकारने ४२२ प्रोजेक्ट्सना मंजुरी दिली आहे. या योजनेअंतर्गत सोप्या अटींवर क्षमता विस्तारासाठी कर्ज दिले जाईल. या बातमीनंतर प्राज इंडस्ट्रीज, इंडियन ग्लायकॉल आणि साखर उत्पादक कंपन्यांच्या शेअर्समध्ये तेजी आली.

ऑक्टोबर २०२० ते मार्च २०२१ दरम्यान २.७८ कोटी टन साखरेचे उत्पादन झाले असे ISMA ने सांगितले.
आंध्र तेलंगाणा तामिळनाडू या राज्यात सिमेंटच्या किमती Rs १० ते Rs १५ प्रती बॅग एवढ्या वाढवल्या. मालभाडे, पॅकेजिंगचा खर्च वाढला म्हणून सिमेंटच्या किमती वाढवल्या असे कारण दिले आहे. याचा फायदा सागर सिमेंट, श्री सिमेंट, ओरिएंट सिमेंट आणि इंडिया सिमेंट या कंपन्यांना होईल.

सरकार GST लेट फी आणि पेनल्टी यासाठी AMNESTY स्कीम आणणार आहे. GST कौन्सिलची कायदेविषयक समिती याबाबतीत निर्णय घेईल.

चीन जपान, कोरिया आणि युक्रेन मधून आयात होणाऱ्या कोल्डरोल्ड नॉन अलॉय स्टील आणि रबर केमिकल्सवर अँटीडम्पिंगड्युटी बसवण्याची मागणी DGTR कडे नोसिल या कंपनीने केली आहे.

निफ्टी नेक्स्ट ५० मध्ये येस बँकेचा समावेश केला. ५१ पासून १०० पर्यंतच्या कंपन्या यात समाविष्ट असतात. येस बँकेच्या समावेशामुळे डोमेस्टिक पॅसिव्ह फंडांकडून इनफ्लो वाढेल. नेक्स्ट ५० मध्ये समावेश असल्यामुळे एस बँकेत वित्तीय सुधारणा होत आहे हे समजेल. पण येस बँकेचे NPA मात्र वाढत आहेत.

मार्च महिन्यात GST कलेक्शन १.२४ लाख कोटी झाले.

विप्रोने AMPION ही कंपनी US $ ११.७ कोटींना खरेदी केली

ल्युपिन या फार्मा क्षेत्रातील कंपनीमध्ये HDFC AMC आणि LIC यांनी स्टेक वाढवला.

मॅक्रोटेक (लोढा) चा IPO ७ एप्रिलला ओपन होऊन ९ एप्रिलला बंद होईल या IPO चा प्राईस बँड Rs ४८३ ते Rs ४८६ असून मिनिमम लॉट ३० शेअर्सचा आहे. हा IPO Rs २५०० कोटींचा आहे. ही रिअल्टी क्षेत्रातील कंपनी आहे
सध्या कोरोनाच्या परिस्थितीमुळे काही कंपन्यांचे शेअर्स मार्केटमध्ये चालू लागले आहेत त्यामध्ये दोन कंपन्यांचा आवर्जून उल्लेख करावा लागेल (१) नॅशनल ऑक्सीजन ही इंडस्ट्रियल गॅसेस लिक्विड आणि गॅस फॉर्ममध्ये उत्पादन करते आणि पुरवठा करते.Rs ३९.३० हा भाव आहे पण गेला आठवडाभर हा शेअर तेजीत आहे. (२) लिंडे इंडिया ही MNC कंपनी आहे. इंडस्ट्रियल गॅस उत्पादन करणारी सगळ्यात मोठी कंपनी आहे . रेव्हेन्यू आणि इन्स्टालेशनची संख्या दोन्हीही बाबतीत ही कंपनी चांगली आहे. ही कंपनी आणि PRAXAIR यांचे २०१८ मध्ये मर्जर झाले.त्यामुळे इंडस्ट्रियल गॅस क्षेत्रातील ही सर्वात मोठी कंपनी झाली. या मर्जरमुळे कॉस्ट सेविंग करणे आणि प्राइसिंग पॉवर कंपनीला मिळाली. आणि मार्जिन सुधारता येणे शक्य झाले. सध्या मेडिकल ऑक्सीजनची गरज भासत असल्याने ही कंपनी हॉस्पिटल्सना सुद्धा ऑक्सीजन पुरवते. पण या बाबतीत मात्र प्राईस कंट्रोल असते. पण हा लिंडेच्या उत्पन्नाचा छोटासा भाग आहे. ही कंपनी नायट्रोजेन आणि ड्राय आईस या ही क्षेत्रात आहे. डेट फ्री कंपनी असून कॅशफ्लो चांगला आहे गेल्या पंधरा दिवसांत या कंपनीचा भाव खूप वाढला आहे. ५२ वीक लो Rs ४४९.५० आणि ५२ वीक हाय Rs १९३३ आहे.

NIIT चा टेंडर ऑफर रूटने Rs २४० प्रती शेअर भावाने शेअर बायबॅक १२ एप्रिलला ओपन होऊन २८ एप्रिलला बंद होईल.या बायबॅकसाठी Rs २३७ कोटी खर्च केला जाणार आहे.या बायबॅकची २४ फेब्रुवारी ही रेकॉर्ड डेट आहे. ५ एप्रिल २०२१ पर्यंत लेटर पाठवले जाईल.

आज मी तुम्हाला बाटाचा चार्ट देत आहे. हा शेअर मार्च २०२० ते जून २०२० पर्यंत कन्सॉलिडेट होत होता ५२ वीक DMA चा सपोर्ट घेतला आहे. करेक्शन पूर्ण झाले आहे.

BSE निर्देशांक सेन्सेक्स ५००२९ NSE निर्देशांक निफ्टी १४८६७ बँक निफ्टी ३३८५८ वर बंद झाला.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३१ मार्च २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३१ मार्च २०२१

आज क्रूड US $ ६४.२४ प्रती बॅरल ते US $६४.६१ प्रती बॅरल या दरम्यान तर रुपया US $१= Rs ७३.१९ ते US $ १= Rs ७३.५६ या दरम्यान होते. US $ निर्देशांक ९३.२४ VIX २०.६५ PCR १.६३ होते. USA १० वर्षे बॉण्ड यिल्ड १.७३ होते.

USA १० वर्षाच्या बॉण्ड्सचे यिल्ड वाढत असल्यामुळे आणि US $ मजबूत झाल्यामुळे सोने आणि चांदीत मंदी होती. आज USA ची कन्झ्युमर कॉन्फिडन्स आणि चीनमधील मॅन्युफॅक्चरिंग PMI चे चांगले आकडे यामुळे बेस मेटल्समध्ये तेजी होत
IDFC Ist बँक Rs ३००० कोटींचा QIP Rs ६०.३४ प्रती शेअर या किमतीला आणणार आहे. (QIP इशू या कॉर्पोरेट एक्शनविषयी सविस्तर माहिती माझ्या ‘मार्केट आणि मी’ या पुस्तकांत दिली आहे.)

केंद्र सरकार ४ राष्ट्रीयीकृत सार्वजनिक क्षेत्रातील बँकांमध्ये झीरो कुपन रिकॅपिटलायझेशन बॉण्ड्स द्वारे भांडवल गुंतवणार आहे. या बॉण्ड्सवर व्याज लागणार नाही. ते खालीलप्रमाणे

(१) सेंट्रल बँक Rs ४८०० कोटी (२ ) IOB Rs ४१०० कोटी (३) UCO बँक २६०० (४) बँक ऑफ इंडिया Rs ३००० कोटी. या सरकारच्या घोषणेनंतर या बँकांच्या शेअर्स मध्ये तेजी आली.

मूडीजने टाटा स्टीलचे रेटिंग Ba2 कायम ठेवून ऑउटलूक निगेटिव्हवरून स्टेबल केला. टाटा स्टीलच्या शेअरमध्ये तेजी होती.

झुआरी ऍग्रो या कंपनीच्या NPK-B GOA प्लांटमध्ये उत्पादन सुरु झाले. त्यामुळे या शेअरमध्ये तेजी होती.

GSK फार्मा या कंपनीने त्यांचे VEMGAL येथील उत्पादन युनिट HETERO लॅब या कंपनीला Rs १८० कोटींना विकले .

NHAI BOT समझोत्यानुसार HCC ( हिंदुस्थान कन्स्ट्रक्शन कंपनी) ला Rs १२६० कोटी मिळणार आहेत. यामुळे कंपनीच्या शेअरमध्ये माफक तेजी आली.

SBI ने जपान बँकेबरोबर US $१०० कोटींचे आंतरराष्ट्रीय सहकार्यासाठी लोन अग्रीमेंट केले. या लोनचा वापर सरकार निरनिराळ्या इन्फ्रास्ट्रक्चर प्रोजेक्टसाठी करेल.

सरकारने या वर्षी जवळजवळ सर्व उद्योगांसाठी PLI योजना जाहीर केल्या. त्यामुळे सर्व उद्योगांमध्ये उत्पादन वाढेल आणि महागाईला आळा बसेल.

सरकारने फूडप्रोसेसिंग उद्योगासाठी PLI ( प्रोडक्शन लिंक्ड इन्सेन्टिव्ह) योजना जाहीर केली. या योजनेमध्ये मरिन फूड, पोल्ट्री, मोझरेला चीज, मिलेट्स, ऑरगॅनिक फूड्स, रेडी तो इट, आणि रेडी टू कुक फूड, प्रोसेस्ड फ्रुट्स, भाज्या इत्यादिंचा समावेश आहे. ह्या स्कीमअंतर्गत शेती आणि संलग्न उद्योगांना उत्तेजन मिळेल. या बातमीनंतर ब्रिटानिया, ITC, नेस्ले, मेरिको, हिंदुस्थान फूड्स या शेअर्समध्ये तेजी आली.

टेलिकॉम कंपन्यांना सरकार PM वाणी या प्रोजेक्टअंतर्गत PPP तत्वावर १० लाख वाईफाई हॉटस्पॉट लावण्यासाठी सबसिडी देण्याची शक्यता आहे. याचा फायदा D-LINK, स्मार्ट लिंक, ITI, तेजस नेटवर्क्स, रेलटेल, या सारख्या कंपन्यांना होईल.

FY २२ साठी MPC ( मॉनेटरी पॉलिसी कमिटी) ची पहिली बैठक ५ एप्रिल ते ७ एप्रील २०२१ रोजी होईल. नंतरच्या बैठका २-४ जून, ४-६ ऑगस्ट, ६-८ ऑक्टोबर, ६-८ डिसेंबर २०२१ आणि ७-९ फेब्रुवारी २०२२ रोजी होतील. RBI च्या द्वैमासिक वित्तीय धोरणाच्या आधी MPC च्या बैठका होतात.

HEMMO फार्मा या कंपनीतील १००% स्टेक पिरामल फार्मा Rs ७८० कोटी अपफ्रंट पेमेंट करून खरेदी करणार आहे. यामुळे पिरामल एंटरप्रायझेस या कंपनीच्या शेअरमध्ये तेजी आली.

IOC च्या हायड्रोजन प्रोजेक्टचे, HPCL पाइपलाइनचे आणि GAIL च्या पाइपलाइनचे खाजगीकरण केले जाईल.

निफ्टीमध्ये GAIL च्या जागी टाटा कन्झ्युमर, आणि बँक निफ्टी मधून बँक ऑफ बरोडा च्या जागी AU स्मॉल फायनान्स बँकेचा समावेश केला जाईल. इन्फोएज या कंपनीला IT निर्देशांकातून वगळून त्याच्या जागी ORACLE फायनान्सियलचा समावेश करणार.

आज FY २०२१ संपले. जरी इतर कारणांमुळे हे वर्ष क्लेशदायक झाले असले तरी मार्केटसाठी हे वित्तीय वर्ष ११ वर्षातले सगळ्यात चांगले वर्ष म्हणावे लागेल. अबसोल्यूट टर्म्स मध्ये सर्व निर्देशांकांनी चांगले रिटर्न्स दिले.

आज मी तुम्हाला TVS मोटर्सचा चार्ट देत आहे. TVS मोटर्सच्या फ्युचर्स आणि ऑप्शन मध्ये तेजी दिसत होती. डेली चार्टमध्ये बॉटमला भेट देऊन तेजीचा ट्रेंड दाखवत आहे. हा शेअर फेब्रुवारी आणि मार्चमध्ये पडत होता. हे करेक्शन आता रिव्हर्स होईल. RSI मध्येही बुलिश ट्रेंड दिसत आहे.

उद्या ऑटोविक्रीचे आकडे येतील. पाकिस्तानात साखरेची निर्यात होणार असल्यामुळे आज पडत्या मार्केटमध्येही साखर उत्पादक कंपन्यांचे शेअर्स तेजीत होते.

BSE निर्देशांक सेन्सेक्स ४९५०९ NSE निर्देशांक निफ्टी १४६९० बँक निफ्टी ३३३०३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३० मार्च २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० मार्च २०२१

आज क्रूड US $ ६४.६३ प्रती बॅरल ते US $ ६५.०५ प्रती बॅरल या दरम्यान तर रुपया US $१=७२.७९ ते US $ १= Rs ७३.३८ या दरम्यान होते. US $ इंडेक्स ९३.१० PCR १.६५ होते. USA १० वर्षे बॉण्ड यिल्ड १.७६ होते.

USA मध्ये आणखी एक US $ ३ ट्रिलियनच्या पॅकेजची घोषणा होण्याची शक्यता आहे. बॉण्ड यिल्ड वाढल्यामुळे सोने मंदीत होते. मेटल्समध्ये मात्र तेजी होती. निफ्टी ने २० DMA क्रॉस केले (निफ्टी १४७५०) फायझर आणि मोडर्ना यांच्या व्हॅक्सीन्स रिअल वर्ल्ड कंडिशन्स मध्ये सुद्धा ९०% परिणामकारक आहे.

आज मार्केटने आपल्या चालीवर कोरोनाच्या वाढत्या प्रादुर्भावाचा, लॉकडाउनच्या शक्यतेचा परिणाम होऊ दिला नाही.
स्टीलच्या HRC ( हॉट रोल्ड कॉइल्स) या प्रकारात Rs ४००० प्रती टन एवढी वाढ होणार असल्यामुळे स्टील उत्पादक कंपन्यांचे शेअर्स तेजीत होते. उदा टाटा स्टील, कल्याणी स्टील, SAIL, JSPL, JSW स्टील.

ज्या डिजिटल सेवा पुरवल्या जातात त्यावर भारत , इटली, तुर्कस्थान, UK, स्पेन, ऑस्ट्रिया टॅक्स लावतात, त्यामुळे अमेरिकन कंपन्यांच्या बाबतीत भेदभाव होतो. भारतात २०१६ पासून इक्वलायझेशन फी लावली जाते. याबाबत आता USA कारवाई करण्याची शक्यता आहे.

आज निसर्गाच्या कृपेने सुएझ कालवा मोकळा झाला. समुद्राला आलेल्या भरतीमुळे ते जहाज पुन्हा पाण्यावर चालायला लागले. पण सुएझ कालवा हा ONE WAY असल्यामुळे याचा परिणाम अजून १० ते १५ दिवस टिकेल. आणि परिणामी काही वस्तूंची टंचाई आणि वाढलेली किंमत असू शकेल. ओपेक +ची उद्या मे महिन्यातील क्रूडच्या उत्पादनावर विचार करण्यासाठी बैठक आहे.

RBI आपले द्वैमासिक वित्तीय धोरण ७ एप्रिल २०२१ रोजी जाहीर करेल. ब्रिटानिया ही कंपनी २ एप्रिल रोजी लाभांशावर विचार करेल. IRCON ही कंपनी ५ एप्रिलला बोनसवर विचार करेल.

गुजरात ऊर्जा विकास निगमसाठी टाटा पॉवर ६० MV सोलर प्रोजेक्ट डेव्हलप करेल.

VASCON इंजिनीअरिंग या कंपनीला मेडिकल कॉलेज सेट अप करण्यासाठी Rs ५१५.६० कोटींची ऑर्डर मिळाली.
भारती एअरटेल, वोडाफोन, रिलायन्स जिओ या कंपन्यांनी जानेवारी -मार्च तिमाहीसाठी AGR ड्यूजसाठी Rs ५००० कोटी वेळेवर भरले.

नजारा टेक या कंपनीचे आज BSE वर Rs १९७१ तर NSE वर Rs १९९० वर लिस्टिंग झाले. IPO मध्ये हा शेअर Rs ११०१ प्रती शेअर या किमतीला दिला होता. पण लिस्टिंग झाल्यावर हा शेअर Rs १५५० पर्यंत पडला.

‘ARCHEGOS’ हे एक फॅमिली ऑफिस म्हणून USA मध्ये रजिस्टर झालेला HEDGE फंड आहे. हे फॅमिली ऑफिस मुख्यतः श्रीमंत फॅमिलीजच्या पैशाची गुंतवणूक करते USA, चीन, कोरिया आणि जपानच्या मार्केटमध्ये शेअर्समध्ये गुंतवणूक करते. फॅमिली ऑफिसेस ही USA मधील SEC (SECURITIES AND EXCHANGE COMMISSION) या रेग्युलेटरी ऑथॉरिटीच्या कक्षेत येत नाहीत. आणि फॅमिली ऑफिसेसची बहुतेक माहिती सार्वजनिक होत नाही. गेल्या आठवड्यात या फ़ंडातर्फे अर्थसहाय्य करणाऱ्या बँकांना US $ २० बिलियनचे शेअर्स फारच कमी किमतीत( म्हणजे २/३ किमतीत विकावे लागले) या कंपन्यांमध्ये VIACOM CBSकॉर्पोरेशन, डिस्कव्हरी कम्युनिकेशन, आणि BAIDU INC, आणि TENCENT होल्डिंग्स या चिनी कंपन्यांचा समावेश होता.

या शेअर्सच्या किमती मार्केटमध्ये पडल्यावर बँकांनी HEDGE फंडाला आवश्यक ते जादा मार्जिन भरायला सांगितले. ARCHEGOS हे मार्जिन भरू न शकल्यामुळे नोमुरा, क्रेडिट SUISSE, UBS, DEUTSCHE बँक, गोल्डमन साख, आणि मॉर्गन स्टॅन्ले यांनी ARCHEGOS कडे असलेले शेअर्स विकायला सुरुवात केली. या सर्व बँकांनी हे शेअर्स पडत्या किमतिला विकल्यामुळे त्यांना मोठ्या प्रमाणावर तोटा झाला. स्वॅप हे एक प्रकारचे डेरिव्हेटीव्ह इन्स्ट्रुमेंट असून याच्यामध्ये संस्थागत गुंतवणूकदारांमध्ये ट्रेडिंग होते.

या इंस्ट्रुमेन्टदवारा तुम्हाला ताबडतोब पैसे न गुंतवता शेअर मार्केटमध्ये मोठ्या पोझिशन्स घेता येतात. या स्वॅप मधील व्यवहाराचे पब्लिक रिपोर्टींग होत नाही. या स्वॅप मधील ट्रेडिंग बँकांकडून अर्थसहाय्य घेउन केले जाते. यालाच ‘LEVERAGE’ असे म्हणतात. स्वॅपमध्ये ट्रेडिंग करत असल्यामुळे ARCHEGOS ला पुष्कळ LEVERAGE मिळू शकले. जर शेअर्सच्या किमती पडल्या तर मार्जिन व्हॅल्यूमध्ये तूट आल्यामुळे बँक किंवा ब्रोकर ग्राहकाला जादा मार्जिन जमा करायला सांगतो. यालाच मार्जिन कॉल्स असे म्हणतात.

स्वॅप ज्या शेअर्सचे डेरिव्हेटीव्ह असतात त्या शेअर्सची किंमत कमी व्हायला लागल्यावर जर मार्जिन कॉल्स पूर्ण केले गेले नाहीत तर बँका किंवा ब्रोकर्स हे शेअर्स विकून टाकतात. मोठ्या प्रमाणावर शेअर्सची विक्री झाल्यामुळे शेअर्सची किंमत आणखी कमी होते. त्यामुळे या आंतरराष्ट्रीय बँकांना मोठ्या प्रमाणावर तोटा सहन करावा लागू शकतो.

भारतीय मार्केट्समध्ये संस्थागत गुंतवणुकदार देशी, विदेशी लहान मोठे सर्व सेबीच्या नियमांतर्गत येतात. या गुंतवणूकदारांना एक्स्पोजर आणि LEVERAGE यासाठी मर्यादा ठरवून दिलेली असते. पण भारतातही फॅमिली ऑफिसेस कोणत्याही नियामक ऑथॉरिटीच्या नियंत्रणाखाली नाहीत. आजतरी भारतीय मार्केट्सवर या HEDGE फंडसंबंधित घटनेचा प्रभाव दिसून आला नाही.

आज मी तुम्हाला कॅडीला हेल्थकेअर या कंपनीचा चार्ट देत आहे. फ्युचर्स मध्ये लॉन्ग पोझिशन्स ऍड होत आहेत शुक्रवारचा हाय पार केला. २०० DMA च्या वर सपोर्ट घेत आहे. १९ मार्चला Rs ४०८ लो नंतर पुढच्या शुक्रवारी Rs ४१५ लो आहे. हायर हाय हायर लो ट्रेंड दिसत आहे.आज शेअरने २१ DMA पार केले

BSE निर्देशांक सेन्सेक्स ५०१३६ NSE निर्देशांक निफ्टी १४८४५ बँक निफ्टी ३३८७५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!