Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ८ फेब्रुवारी २०१९

आज क्रूड US $६१.१८ प्रति बॅरल ते US $ ६१.३१ प्रती बॅरल या दरम्यान तर रुपया US $१=Rs ७१.०३ ते US $१= Rs ७१.३२ या दरम्यान होते. US $ निर्देशांक ९६.५७ होता. VIX १५.५५ होते.

USA चे अध्यक्ष ट्रम्पनी चीनच्या राष्ट्राध्यक्षांबरोबरची मीटिंग रद्द केली. HUAWEI च्या संबंधात ट्रम्पनी युरोपमधील देशांना इशारा दिला की HUAWEI कंपनी बरोबर जे देश व्यापार करतील त्या देशांना USA ने घातलेल्या निर्बंधांना सामोरे जावे लागेल. चीनने USA मधून क्रूड आयात करायला सुरुवात केली. युरोप, उत्तर अमेरिका खंडातील देशांमध्ये थंडी वाढत आहे.त्यामुळे नैसर्गीक वायूसाठी मागणी वाढत आहे पण ही स्थिती थोड्या दिवसांकरता टिकते. क्रूडचे भाव मर्यादित रेंजमध्ये राहतील अशी अपेक्षा आहे

आज जानेवारी २०१९ या महिन्यातील एकूण ऑटो विक्रीचे आकडे आले. पॅसेंजर कार्सची विक्री २.७% इतकी कमी झाली, TWO व्हिलर्सची विक्री ५.२% कमी होऊन १६ लाख युनिट्स, कमर्शियल वाहनांची विक्री २.२% ने वाढून ८७५९१ युनिट्स, वाहनांची निर्यात १३.३% वाढून ३.४४ लाख युनिट झाली.

अर्थ मंत्रालयाने आज सार्वजनिक क्षेत्रातील सरकारी बँकांना RBI ने केलेल्या रेट कट चा फायदा कर्जदारांना त्वरित पास ऑन करायला सांगितला. म्हणजे खाजगी क्षेत्रातील बँकाही हा फायदा कर्जदारांना पास ऑन करतील असे सांगितले.
या सोमवारपासून म्हणजेच ११ फेब्रुवारी २०१९ पासून निफ्टीची साप्ताहिक एक्स्पायरी सुरु होईल. पहिली एक्स्पायरी १४ फेब्रुवारी २०१९ला होईल आणि त्यानंतर दर आठवड्यात गुरुवारी निफ्टीची साप्ताहिक एक्स्पायरी होईल. या साप्ताहिक एक्स्पायरीसाठी निफ्टीचा लॉट ७५ युनिटचा असेल.

रिअल्टी क्षेत्रातली GST कमी करण्यावर विचार करण्यासाठी GST कॉऊन्सिलने एक GOM ( ग्रूप ऑफ मिनिस्टर्स) ची नियुक्ती केली होती. या GOM ने खालीलप्रमाणे शिफारशी केल्या.

अंडर कन्स्ट्रक्शन फ्लॅटवर ५% GST लावला जाईल तर बिना इनपुट टॅक्स क्रेडिट अफोर्डेबल हौसिंगवर ३% GST लावला जाईल. या शिफारशी मार्च २०१९ मध्ये होणाऱ्या GST कौन्सिलच्या बैठकीत मंजूर केल्या जातील अशी अपेक्षा आहे. या घोषणेनंतर रिअल्टी क्षेत्रातील कंपन्या तसेच त्या क्षेत्राशी संबंधित कंपन्यांच्या शेअर्स मध्ये तेजी आली.

रेमंड्स या कंपनीचे डायरेक्टर सिंघानिया यांचा ९१ % स्टेक असलेल्या एन्टिटीने रेमंड्स कडून Rs ९९३ कोटींची खरेदी केली आणि या एंटीटीने रेमंड्सला Rs १६१३ कोटींची विक्री केली. असे एका व्हिसलब्लोअरने जाहीर केले. यावर रेमंड्सने सांगितले वरील पार्टी रिलेटेड व्यवहार कंपनीच्या बिझिनेसशी निकट संबंधात असून पूर्णपणे पारदर्शकरीत्या केलेले आहेत आणि ते कंपनीने जाहीर केलेले आहेत. हे व्यवहार ‘प्रिंसिपल टू प्रिंसिपल’ बेसिस वर आणि स्पर्धात्मक किमतीला केलेले आहेत. कंपनीने वरील स्पष्टीकरण दिल्यावर शेअर पडायचा थांबला आणि त्यात चांगली वाढ झाली.

ब्रिटानिया या कंपनीचा तिसऱ्या तिमाहीचा निकाल चांगला आला. पण व्हॉल्युम ग्रोथ व्हावी तेवढी झाली नाही. कंपनीने सांगितले की त्यांना रूरल मार्केट्स मध्ये WEAKNESS जाणवत आहे.

आता टाटा मोटर्स विषयी थोडेसे

टाटा मोटर्सचे तिसऱ्या तिमाहीचे निकाल असमाधानकारक होते. तंत्रज्ञान फार वेगाने बदलत आहे. ऍसेट आणि इन्व्हेस्टमेंटची किमत खूप कमी झाली असेल तर ती बॅलन्सशीट मध्ये वर्षानुवर्षे ठेवण्यापेक्षा त्या किमतीतल्या तफावतीसाठी फायद्यातून प्रोव्हिजन करून ती ‘राईट ऑफ’ करणे यालाच ‘इम्पेअरमेन्ट’ म्हणतात. घरात रेडियो टेपरेकॉर्डर, डेक,जुने मोबाईल या गोष्टी मालमत्ता म्हणून दाखवल्या जातात पण विकायला गेल्यास त्यांना फारशी किमत येत नाही. बॅलन्सशीटमध्ये असेट्स वर्तमान बुक व्हॅल्यूवर दाखवले की त्यामुळे डेप्रीसिएशन प्रोवाइड करावे लागते,रेव्हेन्यूवर परिणाम होतो. जे ऍसेट जुने, उत्पन्न मिळवण्यास निरुपयोगी, तंत्रज्ञानातील प्रगतीमुळे ‘आऊट ऑफ डेट, झाले असतील त्यांच्या व्हॅल्यूमध्ये होणारी घट म्हणजेच ‘इम्पेअरमेंट’ होय.

या प्रक्रियेमुळे घराची असो किंवा उद्योगाची असो ‘रिअल व्हॅल्यू’ बॅलन्सशीटमध्ये जाहीर होते. या बरोबरच थोडासा टाटा मोटर्सचा ग्राहकांबरोबरचा संवाद कमी झाला आहे असे वाटते कारण त्यांनी मार्केटमध्ये दाखल केलेल्या मॉडेल्सला हवा तसा प्रतिसाद मिळत नाही.

जेट एअरवेजने SBI कडून घेतलेल्या कर्जाचे शेअर्समध्ये रूपांतर करण्यासाठी करार केला.हे मार्केटला पटले नाही.सध्या पडणाऱ्या थंडीमुळे आणि धुक्यामुळे तसेच मुंबईत काही रनवेची दुरुस्ती चालू असल्यामुळे विमान कंपन्यांना चांगले दिवस नाहीत.

CEAT च्या हलोल प्लांट मध्ये कमर्शियल उत्पादन सुरु झाले.

गुजरात गॅस, ऍपेक्स फ्रोझन फूड्स, IRCON, टिमकीन, SCI, महिंद्रा आणि महिंदा ( इतर उत्पनात वाढ), कल्याणी स्टील, JB केमिकल्स, टी व्ही टुडे, अल्केम लॅब,EIL (Rs ३.२५ प्रती शेअर अंतरिम लाभांश), DR लाल पाथ लॅब, दिलीप बिल्डकॉन यांचे तिसऱ्या तिमाहीचे निकाल चांगले आले. SAIL चाही तिसऱ्या तिमाहीचा निकाल अपेक्षेपेक्षा चांगला आला.

VARROC ENGG, इंगरसोल रँड, REC यांचे तिसर्या तिमाहीचे निकाल ठीक आले.

एक्सेल कॉर्प, GSPL, झुआरी ऍग्रो, प्रिकॉल ( फायद्यातून तोट्यात), यूको बँक (NPA वाढले), VIP या कंपन्यांचे तिसर्या तिमाहीचे निकाल असमाधानकारक होते.

वेध उदयाचा

आता मार्केटसाठी सर्व ट्रिगर संपले.बर्याच कंपन्यांचे तिसर्या तिमाहीचे निकाल लागले आता होणाऱ्या सार्वत्रिक निवडणुका हाच एक मुख्य ट्रिगर असेल. जागतिक मार्केटमधील कमी होणारी मागणी,USA आणि चीनमधील तणाव, ब्रेक्झिट, आणि हवामानातील होणारे प्रतीकूल बदल यांचा परिणाम मार्केटवर होत राहील. त्यातून काल डोजी पॅटर्न झाला होता.फिबोनासि सिरीजप्रमाणे काल ६१.८ ही RETRACEMENT लेव्हल आली होती. त्यामुळे मार्केटचा ट्रेंड बदलला. या प्रकारच्या मार्केटमध्ये विचारपूर्वक शेअर्सची निवड करून ट्रेडिंग किंवा गुंतवणूक करावी. थोड्या प्रमाणात काही निवडक शेअर्समध्ये गुंतवणूक करावी. शक्यतो मार्केटच्या ट्रेंडबरोबर राहावे. म्हणजे आपले भांडवल सुरक्षित राहून भांडवल कायम वाढत राहील.

BSE निर्देशांक सेन्सेक्स ३६५४६ NSE निर्देशांक निफ्टी १०९४३ बँक निफ्टी २७२९४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ७ फेब्रुवारी २०१९

आज क्रूड US $ ६२.४४ प्रती बॅरल ते US $ ६२.६८ प्रती बॅरल या दरम्यान तर रुपया US $१=Rs ७१.३४ ते US $१=Rs ७१.७६ या दरम्यान होते. US $ निर्देशांक ९६.४४ होता.

चीन, तायवान चे बाजार ८ फेब्रुवारी २०१९ पर्यंत बंद राहतील. हॉंगकॉंगचे बाजार आज बंद होते. ब्राझील आणि ऑस्ट्रेलिया या देशांच्या सेंट्रल बँकांनी असे सांगितले की मार्केटला उत्तेजन देण्याची गरज आहे. म्हणून आम्ही रेट कट करू.

आज RBI ने आपले द्विमासिक वित्तीय धोरण जाहीर केले. RBI नी रेपोरेटमध्ये ०.२५% कपात केली आता ६.२५% झाला. रिव्हर्स रेपोरेट ६% तर CRR ४% वर कायम ठेवला. RBI ने आपला स्टान्स कॅलिबरेटेड वरून न्यूट्रल केला. ग्रोथ रेट आणि महागाईचा स्तर लक्षात घेऊन भविष्यात रेट कपात करण्याचा निर्णय घेतला जाईल असे सूचित केले. RBI अर्थव्यवस्थेतील लिक्विडीटी वर लक्ष ठेवेल आणि लिक्विडीटी सामाधानकारक स्तरावर राहील याची खबरदारी घेईल असे सांगितले. पेमेंट गेटवे साठी एक वेगळी रेग्युलेटरी ऑथोरिटी नेमू असे सांगितले. करन्सी मार्केटसाठी एक टास्क फोर्स नियुक्त केला जाईल.
बल्क डिपॉझिटची व्याख्या Rs २ कोटी आणि त्यावरील रकमेची डिपॉझिट्स अशी बदलली. या आधी Rs १ कोटी किंवा त्यापेक्षा अधिक रकमेच्या डिपॉझिटला बल्क डिपॉझिट अशी व्याख्या होती.

अर्बन सहकारी बँकांसाठी एक अम्ब्रेला ऑथॉरिटी निर्माण केली जाईल. ही ऑथॉरिटी अर्बन सहकारी बँकांच्या अडचणी आणि समस्यांचे निराकरण करील.

NBFC चे आता नव्या निकषांप्रमाणे वर्गीकरण केले जाईल. फेब्रुवारी २०१९ अखेर NBFC साठी नवीन नियम करून अमलात आणले जातील तसेच NBFC ना दिलेल्या कर्जाचे रिस्क ऍसेट वेटेज १०० ऐवजी NBFC च्या रेटिंग वर अवलंबून राहील. यामुळे बँकांना NBFC ला दिलेल्या लोनसाठी कमी कॅपिटलची तरतूद करावी लागेल.

शेतीसाठी शेतकऱयांना देण्यात येणाऱ्या विनातारण कर्जाची मर्यादा Rs १ लाखावरून Rs १.६० लाखापर्यंत वाढवली.
RBI ने जानेवारी २०१९ ते मार्च २०१९ मध्ये महागाई (CPI) २.८% तर एप्रिल २०१९ ते सप्टेंबर २०१९ मध्ये ३.२% ते ३.४% या दरम्यान तर ऑक्टोबर २०१९ ते डिसेंबर २०१९ याकाळात महागाई ३.९% राहील असा अंदाज व्यक्त केला.

FY २०१९-२०२० मध्ये पहिल्या अर्धवर्षात GDP ग्रोथ ७.२% ते ७.४% राहील असे सांगितले. तर वर्षभरात GDP ग्रोथ ७.४% राहील असे सांगितले. FY २०१९-२०२० मध्ये कृषी उत्पादनात घट होईल असे भाकीत केले.

बँकांना PCA मधून बाहेर काढण्यासाठी असलेल्या नियमांचे कसोशीने पालन करून मगच एखाद्या बँकेला PCA च्या बाहेर काढले जाईल असे सांगितले. तसेच RBI आपले सर्व निर्णय कोणत्याही राजकीय किंवा अन्य तऱ्हेच्या कारणांसाठी नव्हे तर ठरवलेल्या धोरणाप्रमाणे आणि नियमात बसतील असे आणि वास्तवतेवर ( फॅक्टस) आधारित असे घेईल असे सांगितले.
RBI ने जाहीर केलेला रेट कट कर्जदारांकडे पास ऑन करण्यासाठी RBI बँकांशी चर्चा करेल पण बँकांना हा निर्णय घेण्याचे स्वातंत्र्य राहील असे सांगितले. याप्रमाणे RBI ने आपले वित्तीय धोरण ग्रोथ आणि महागाई यांचा समन्वय साधेल तसेच RBI चे धोरण आणि सरकारचे धोरण यात कोणताही संघर्ष राहणार नाही असा संकेत दिला

आज मन्नापूरम फायनान्स, बजाज इलेक्ट्रिकल ( उत्पन्न, प्रॉफिट, प्रॉफिट मार्जिन वाढले.) , सीमेक, वालचंदनगर इंडस्ट्रीज ( तोट्यातून फायद्यात आली.), ASTRAZENEKA ( तोट्यातून फायद्यात), फ्युचर कंझ्युमर्स, इंद्रप्रस्थ गॅस, कमिन्स, ENIL, MRF ( इतर उत्पन्नात लक्षणीय वाढ, नफा, विक्री कमी), अडाणी एंटरप्रायझेस( नफा कमी उत्पन्न वाढले) , कॅडीला हेल्थकेअर, मेरिको या कंपन्यांचे तिसऱ्या तिमाहीचे निकाल चांगले आले.

मजेस्को, वेलस्पन इंडिया, प्रॉक्टर अँड गॅम्बल,अरविंद, ग्रासिम यांचे तिसर्या तिमाहीचे निकाल ठीक होते.

अडानी ग्रीन, वोडाफोनआयडिया ( तोटा Rs ५०००/-कोटी), श्रीराम EPC,यांचे तिसर्या तिमाहीचे निकाल असमाधानकारक होते.

टाटा मोटर्सचे तिसऱ्या तिमाहीचे निकाल आले. उत्पन्न Rs ७७००१ कोटी, EBITDA Rs ६५२२ कोटी, तोटा Rs २६९९१ कोटी झाला (यात Rs २७८३८ कोटींचा ONE टाइम लॉस आहे). मार्जिन ८.५% राहिले. चीनच्या मार्केटमध्ये मागणी कमी झाल्यामुळे कंपनीच्या विक्रीवर परिणाम झाला.

IREDA (इंडियन रिन्यूएबल एनर्जी डेव्हलपमेंट एजन्सी) चा IPO सप्टेंबर २०१९ पर्यंत येईल.

आज ‘CHALET हॉटेल’ या कंपनीच्या शेअर्सचे Rs २६५ वर लिस्टिंग झाले. हा IPO मध्ये Rs २८० ला शेअर दिला होता.

वेध उद्याचा

उद्या महिंद्रा आणि महिंद्रा, टाटा स्टील,ABBOT लॅब, अल्केम लॅब,DR लाल पाथ लॅब्स, MIDHANI आपले तिसऱ्या तिमाहीचे निकाल जाहीर करतील.

BSE निर्देशांक सेन्सेक्स ३६९७१ NSE निर्देशांक निफ्टी ११०६९ बँक निफ्टी २७३८७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ६ फेब्रुवारी २०१९

आज क्रूड US $६१.९४ प्रती बॅरल ते US $६२.०४ प्रती बॅरल या दरम्यान तर रुपया US $१=Rs ७१.५३ ते US $१=Rs ७१.६४ या दरम्यान होते. US $ निर्देशांक ९६.१० होता.

आज मार्केटने जणू काही निफ्टी ११००० ही लक्ष्मणरेषा पार केली. गेले दोन महिने निफ्टी ११००० ला स्पर्श करून मागे फिरत होता. आज निफ्टीने ११००० वर क्लोज दिला. शॉर्ट कव्हरिंग रॅली आज मार्केट मध्ये आली. आता मार्केटमधील ट्रेडर्स गुंतवणूकदार आणि विशेषज्ञ निफ्टीसाठी वरची टार्गेट देण्यासाठी मोकळे झाले. जरी निफ्टीने आज ११००० च्यावर क्लोज दिला तरी मिडकॅप शेअर्स आणि स्माल कॅप शेअर्सना तर सोडाच पण निफ्टीमधीलसुद्धा सर्व शेअर्सनाही या तेजीने स्पर्श केला नाही. त्यामुळे काही निवडक मोठ्या CMP च्या शेअर्सपुरतीच ही रॅली मर्यादित आहे. त्यामुळे बहुतेक गुंतवणूकदारांचे पोर्टफोलिओ तोट्यात आहेत. सर्वसाधारण गुंतवणूकदारांनाच नव्हे तर म्युच्युअल फंडांनाही या परिस्थितीचा फटका बसत आहे. त्यांचे NAV ( नेट ऍसेट व्हॅल्यू) आणि निफ्टी आणि सेन्सेक्स यांच्यात तफावत पडत आहे.

USA चे अध्यक्ष ट्रम्प यांनी घोषणा केली की USA आता ऑइल आणि नैसर्गिक वायू यांचे सर्वात जास्त उत्पादन करणारा देश होईल. थोड्याच काळात USA या दोन वस्तूंची निर्यात करू लागेल.त्यांनी असेही सांगितले की चीनबरोबरच्या वाटाघाटी सुरळीतपणे चालू आहेत. सौदी अरेबिया, UAE, आणि रशिया हे तीन देश ओपेकला समांतर अशी संस्था स्थापन करेल . ही संस्था या देशांच्या क्रूड उत्पादनाचे धोरण ठरवेल.

सरकारने इथेनॉलच्या उत्पादनाला उत्तेजन देण्यासाठी Rs १२००० कोटींचे पॅकेज मंजूर केले.या पूर्वी Rs ६००० कोटी मंजूर केले आहेत. यात इथेनॉल उत्पादनासाठी प्लांट उभारणाऱ्या साखर उत्पादक कंपन्यांना तसेच इतर क्षेत्रातील कंपन्यां ज्या इथेनॉल प्लांट लावण्यासाठी इच्छुक आहेत त्यांना कमी व्याजाच्य दराने कर्ज दिले जाईल. साखर उत्पादक कंपन्या उसाच्या मळीपासून तसेच उसाच्या रसापासून इथेनॉल बनवू शकतील. कर्जावर पहिली पांच वर्षे व्याजाच्या दरात ६% सूट दिली जाईल.

ज्युबिलण्ट फूडने प्रमोटर्सना ‘ज्युबिलण्ट’ या ब्रँडसाठी रॉयल्टी देण्याचा निर्णय रद्द केला. कारण हा निर्णय रद्द केला नसता तर म्युच्युअल फंडांनी या शेअरची विक्री केली असती. शेअर वाढला नाही कारण प्रमोटर्सचा हा दृष्टिकोन गुंतवणूकदारांना पसंत पडला नाही.

PVR या कंपनीने त्यांची पश्चिम आशिया आणि उत्तर आफ्रिकेमधील विस्तार योजना रद्द केली त्रिवेणी इंजिनीअरिंग या कंपनीने ‘शगुन’ या ब्रँड खाली आटा आणि मैदा मार्केट मध्ये लाँच केला.

सरकारने आपला ड्रेजिंग कॉर्पोरेशनमधील ७३.४७% स्टेक चार मोठ्या पोर्ट ऑथॉरिटीजना विकण्याची प्रक्रिया पूर्ण केली. या व्यवहारातून सरकारला Rs १०५० कोटी मिळाले.

FITCH या रेटिंग एजन्सीने JLR च्या विक्रीवर UK च्या ब्रेक्झिटचा संभाव्य परिणाम लक्षात घेऊन टाटा मोटर्सचे रेटिंग निगेटिव्ह केले.

हिंदुस्थान कॉपरने वायर रॉड ची किंमत ३% ने कमी केली.

हॅवेल्सने लॉईड्स AC ची नवीन सिरीज ‘ग्रँड’ या नावाने लाँच केली.

ग्लेनमार्क फार्माने ग्रँड फार्माबरोबर ‘RYALTRIS’ या औषधाची चीन मध्ये विक्री करण्यासाठी करार केला.

IDBI फेडरल लाईफ या IDBI च्या इन्शुअरन्स आर्ममध्ये IDBI बँकेचा ४८% स्टेक आहे. हा स्टेक विकत घेण्यात काही खाजगी बँकांनी स्वारस्य दाखवले आहे. ही स्टेकची विक्री IDBI बँकेला Rs ३००० कोटी ते Rs ३५०० कोटी मिळवून देऊ शकेल.

अल्केम लॅब च्या SAINT लुइस युनिटमध्ये USFDA ने ८ त्रुटी दाखवल्या.

युनायटेड हेल्थने केलेल्या प्राईस फिक्सिंगच्या आरोपाचा DR रेडीज या कंपनीने इन्कार केला.

DHFL या कंपनीवर व्हिसलब्लोअरने केलेल्या आरोपांची चौकशी प्रथम रजिस्ट्रार ऑफ कंपनीजचे ऑफिस करेल. या

ऑफिसने आपला रिपोर्ट दिल्यानंतर SFIO ( सिरीयस फ्रॉड इव्हेस्टिगेशन ऑफिस) चौकशी करेल असे MCA (मिनिस्ट्री ऑफ कंपनी अफेअर्स)ने जाहीर केले.

आज ल्युपिनने आपल्याला तिसर्या तिमाहीच्या निकालात Rs १५१ कोटी तोटा झाला असे जाहीर केले. कंपनीला ‘PERINDOBRIL’ या औषधाच्या बाबतीत झालेल्या कायदेशीर कारवाईमध्ये Rs ३४२ कोटी ONE टाइम लॉस झाला.
टेक महिंद्र, V -MART, शोभा, मिंडा इंडस्ट्रीज, वेंकीज, BLUE स्टार, वर्धमान टेक्सटाईल्स, मुथूट फायनान्स, ग्राफाइट इंडिया, सिमेन्स, S H केळकर, अडाणी पोर्ट्स, झायडस वेलनेस, JSW स्टील याचे तिसऱ्या तिमाहीचे निकाल चांगले आले.
सिप्ला,गेटवे डिस्ट्रिपार्क यांचे तिसऱ्या तिमाहीचे निकाल सर्वसाधारण आले.

बॉम्बे डाईंग ( फायद्यातून तोट्यात), टाटा केमिकल्स, मंगलोर केमिकल्स आणि फर्टिलायझर्स, अडानी पॉवर ( तोटा झाला), अलाहाबाद बँक ( तोटा कमी झाला पण NPA वाढले) यांचे निकाल असमाधानकारक होते.

वेध उद्याचा

• उद्या ब्रिटानिया, ऑरोबिंदो फार्मा, कॅडीला हेल्थकेअर, अडानी एंटरप्रायझेस, टाटा मोटर्स या कंपन्या आपले निकाल जाहीर करतील.
• उद्या सकाळी ११-४५ वाजता RBI आपले वित्तीय धोरण जाहीर करेल. RBI नजीकच्या भविष्याविषयी, GDP विषयी, इन्फ्लेशनविषयी तसेच रेट कट विषयी काय धोरण अवलंबते यावर मार्केटचे लक्ष असेल. RBIचे नवीन गव्हर्नर शक्तिकांता दास यांच्या कडून मार्केटला बर्याच अपेक्षा आहेत.

BSE निर्देशांक सेन्सेक्स ३६९७५, NSE निर्देशांक निफ्टी ११०६२ बँक निफ्टी २७४०२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ५ फेब्रुवारी २०१९

आज क्रूड US $६२.४० प्रती बॅरल ते US $६२.७९ प्रती बॅरल या दरम्यान तर रुपया US $१=Rs ७१.५७ ते US $१=Rs ७१.८१ या दरम्यान होते. US$ निर्देशांक ९५.८५ तर विक्स १५.६६ होते.

ट्रेड वॉर संपुष्टात येण्याची चिन्हे दिसू लागली आहेत. आज क्रूड वाढतच होते. रुपया घसरत होता. आणि मार्केटमध्ये फारसे व्हॉल्युम नव्हते. अगदी मोजके शेअर्स तेजीत होते. बाकी मार्केट मंदीतच होते असे म्हटले तर चालेल. वाडिया ग्रुपचे शेअर्स म्हणजे ब्रिटानिया, BBTC, नॅशनल पेरॉक्ससाईड, बॉम्बे डायिंग या कंपन्यांचे शेअर्स पडले.

टाटा मोटर्सची JLR विक्री १.४% ने घटली.

ज्युबिलण्ट फूड्स या कंपनीने GST मध्ये केलेल्या कपातीचा फायदा ग्राहकांपर्यंत पोहोचवला नाही म्हणून अँटी प्रॉफीटीअरिंग ऑथॉरिटीने कंपनीला Rs ४२ कोटी जमा करायला सांगितले. ज्युबिलण्ट फूड मध्ये प्रमोटर्स होल्डिंग ( भरतीया कुटुंबीय) ४५% आहे. कंपनी ज्युबिलंट या शब्दाचा वापर करत असल्यामुळे आणि हा शब्द ब्रँड असल्यामुळे प्रमोटर्सनी आपल्याला विक्रीच्या ०.५% रॉयल्टी मिळावी असे सांगितले आहे. वर्तमान विक्रीचा विचार केला तर या हिशेबाने कंपनीला Rs १५ कोटी रॉयल्टी द्यावी लागेल. ही कंपनी विक्रीच्या ३.३% रक्कम आधीच डॉमिनोज या कंपनीला फ्रँचाइज फी म्हणून देत आहे. या दोन्ही बातम्यांमुळे ज्युबिलण्ट फूड हा शेअर खूप पडला.

कोल इंडिया ही सार्वजनिक क्षेत्रातील सरकारी कंपनी ४.४६ कोटी शेअर्स Rs २३५ प्रती शेअर्स या भावाने शेअर्स BUY बॅक करेल. कंपनी या BUY बॅक साठी Rs १०५० कोटी खर्च करेल.

सरकारने सेबीला रेटिंग एजन्सीजची जबाबदारी, पारदर्शकता,आणि योग्य वेळेला रेटिंग बदलण्याची जरुरी या बाबतचे नियम याबाबत अभ्यास करून नवीन नियम बनवायला सांगितले आहेत. आतापर्यंत बहुतांश केसेस मध्ये असे आढळून आले की रेटिंग एजन्सीजची ‘बैल गेला आणि झोपा केला’ अशी परिस्थिती असते. शेअर मार्केट,मार्केटमधील तज्ज्ञ, कर्ज देण्याऱ्या वित्तीय संस्था आणि काही वेळेला सरकारने या कंपन्यांबाबत काळजी व्यक्त केल्यावर रेटिंग एजन्सी जाग्या होतात आणि या कंपन्यांचे रेटिंग बदलतात. यामुळे किरकोळ गुंतवणूकदाराचे नुकसान होते त्यामुळे त्यांच्या हिताचे रक्षण करण्यासाठी सेबीने यात लक्ष घालावे असे सरकारने सुचवले आहे.

दक्षिण भारतात सिमेंटचे भाव पोत्यामागे Rs ६० वाढवले त्यामुळे इंडिया सिमेंट, अल्ट्राटेक, रामको, ओरिएंट सिमेंट या कंपन्यांना फायदा होईल.

PNB या सार्वजनिक क्षेत्रातील ३ नंबरच्या सरकारी बँकेने आज आपले तिसर्या तिमाहीचे निकाल जाहीर केले. बँक लॉस मधून प्रॉफिट मध्ये आली. ग्रॉस NPA आणि नेट NPA यांच्यात थोडी सुधारणा झाली. NII वाढले आणि प्रोव्हिजन कमी करावी लागली. बँकेने गेल्या तिमाहीत Rs १६००० कोटींची वसुली केली.

ट्रेन्ट, CESC ( मार्जिन कमी झाले, Rs १७ प्रती शेअर अंतरिम लाभांश), कामत हॉटेल्स, ACC ( Rs १४ प्रति शेअर अंतरिम लाभांश) अपोलो टायर्स ( Rs ६० कोटींचा ONE टाइम लॉस) ट्यूब इन्वेस्टमेंट्स, गेल ( Rs ६.२५ प्रती शेअर अंतरिम लाभांश), इनॉक्स लिजर, स्नोमॅन लॉजिस्टिक, टेक महिंद्रा, मेरिको ( Rs २.७५ प्रती शेअर अंतरिम लाभांश), टाटा ग्लोबल बेव्हरेजीस या कंपन्यांचे तिसर्या तिमाहीचे निकाल चांगले आले.

सिम्फनी, सेंच्युरी प्लायवूड, BHEL,लक्ष्मी विलास बँक, यांचे तिसर्या तिमाहीचे निकाल असमाधानकारक होते.

वेध उद्याचा

अदानी पोर्ट, अदानी पॉवर, अलाहाबाद बँक, आर्चिज, सिप्ला, कमिन्स इंडिया, ग्राफाइट इंडिया, IGL, JSW स्टील, इंडियन ह्यूम पाईप, ल्युपिन, मुथूट, मन्नापुरम, PTC, सीमेन्स, वेंकीज या कंपन्या आपले तिसर्या तिमाहीचे निकाल जाहीर करतील.

BSE निर्देशांक सेन्सेक्स ३६६१६, NSE निर्देशांक निफ्टी १०९३४, बँक निफ्टी २७२७१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ४ फेब्रुवारी २०१९

आज क्रूड US #६२.६९ प्रती बॅरल ते US $ ६२.८८ प्रती बॅरल आणि रुपया US $१=Rs ७१.२४ ते Rs ७१.७७ या दरम्यान होते.

या आठवड्यात बहुतेक देशांच्या सेंट्रल बँकेच्या मीटिंग आहेत. USA चा फार्मरोल डाटा चांगला आला. ओपेक आणि रशिया क्रूडचे उत्पादन कमी करण्याची शक्यता आहे. त्यामुळे क्रूडचा भाव वाढत होता. USA चे अध्यक्ष डोनाल्ड ट्रम्प यांनी आपण वेळ आली तर आणीबाणी जाहीर करू असे सांगितले. आज चीन, तायवान, आणि कोरियाची मार्केट्स बंद होती. कोरियाचे मार्केट ६ फेब्रुवारी पर्यंत बंद राहील.

७ फेब्रुवारी २०१९ ला दुपारी ११-४५ वाजता RBI आपले वित्तीय धोरण जाहीर करेल

IDBI आणि एल आय सी च्या संदर्भात IDBI ऑफिसर्स असोसिएशनने केलेल्या अर्जाची सुनावणी सुप्रीम कोर्टात आज आहे.

ONGC आणि ऑइल इंडिया यांना सबसीडीचा वाटा उचलावा लागणार नाही त्यामुळे हे शेअर्स वाढले.

DHFL च्या प्रमोटर्सनी आधार हौसिंग फायनांसमधील आपला स्टेक विकणार असे सांगितले.

LAURS LAB च्या विशाखापट्टणम युनिटला USFDA कडून क्लीन चिट मिळाली.

RCOM या ADAG ग्रुपच्या कंपनीने NCLT मध्ये इंसॉल्व्हंसी साठी अर्ज केला. याचा परिणाम म्हणून ADAG ग्रुपचे सर्व शेअर्स पडले.

CYIENT ही IT क्षेत्रातील कम्पनी Rs ७०० प्रती शेअर या भावाने शेअर BUY बॅक करणार आहे. कंपनी यासाठी Rs २०० कोटी खर्च करेल. हा BUY बॅक ओपन मार्केट पद्धतीने केला जाईल.

आज ऑटो विक्रीचे आकडे आले. टाटा मोटर्स आणि हिरो मोटो याची विक्री कमी झाली. TVS मोटर्सची विक्री ४%ने वाढली. बजाज ऑटो ची एकूण विक्री १५%ने वाढली. TWO व्हिलर्स ची विक्री २१% ने वाढली. निर्यातही वाढली.

आज कोल इंडियाची शेअर BUY बॅकवर विचार करण्यासाठी बोर्ड ऑफ डायरेक्टर्सची बैठक होती.

NHPC ने J &K युटिलिटी बरोबर JV केले.

गॉडफ्रे फिलिप्स, MOIL, रामकृष्णा फोर्जिंग्ज, सिंडिकेट बँक ( ही बँक तोट्यातून फायद्यात आली), BEML, डिव्हीज लॅब, टायटन, इन्सेकटीसाईड इंडिया, कॅपॅसिटे इन्फ्रा, फर्स्ट सोअर्स इन्फॉर्मेशन, एक्साइड, टेक्सरेल, व्हर्लपूल या कंपन्यांचे तिसर्या तिमाहीचे निकाल चांगले आले. GSK फार्माचे तिसर्या तिमाहीचे निकाल ठीक आले.

ABN ऑफशोअर आणि IDBI बँक यांचे निकाल असमाधानकारक होते. IDBI बँकेच्या NPA च्या परिस्थिती किंचितशी सुधारणा दिसत असली तर NII समाधानकारक नव्हते..

HEG च्या BUY बॅक विषयी :-

२७ नोव्हेंबर २०१८ रोजी १३६३६३६ शेअर्स किंवा कंपनीच्या पेड अप कॅपिटलच्या ३.४१% शेअर्स Rs ५५०० प्रती शेअर या भावाने Rs ७५० कोटींचा शेअर BUY बॅक HEG (हिंदुस्थान ग्राफाइट) या कंपनीने जाहीर केला होता. या शेअर BUY बॅक ची रेकॉर्ड डेट ९ फेब्रुवारी २०१९ आहे. पण त्यावेळची परिस्थिती आणि आताची परिस्थिती यात महदंतर पडले आहे. कारण १६ ऑक्टोबर २०१८ रोजी शेअरची किंमत Rs ४९५५ होती. १४ डिसेंबर २०१७ रोजी शेअरचा भाव Rs १८४५ होता. याचा विचार करून BUY बॅक ची शेअर प्राईस Rs ५५०० ठरवली. ती योग्य होती. त्यामुळे हा शेअर BUY BACK कंपनी करेल की नाही यावरच प्रश्नचिन्ह निर्माण झाले. याचा ऍक्सेप्टन्स रेशियो कमी आहे, प्रमोटर्सही BUY BACK मध्ये भाग घेतील. त्यामुळे आपल्याजवळ १० शेअर्स असतील तर आपल्याकडून जास्तीतजास्त १ शेअर BUY बॅक केला जाईल. आजची CMP Rs २३६९ आहे. या भावाने घेतलेले ९ शेअर्स तुमच्याकडे पडून राहतील. मार्केट मध्ये असलेल्या अस्थिरतेचा विचार करता शेअरचा भाव Rs २००० पर्यंत कमी होऊ शकतो त्यामुळे ह्या शेअरचा BUY बॅक फायदेशीर वाटत नाही. कंपनीला लागणाऱ्या कच्च्या मालाच्या किमती वाढल्या आणि इलेक्ट्रोड या त्यांच्या पक्कयामालाच्या किमती स्पर्धेमुळे कमी झाल्या. चीनही त्यांची उत्पादनक्षमता वाढवण्याच्या तयारीत आहे. त्यामुळे स्पर्धा वाढून मार्जिनही कमी होईल. त्यामुळे गुंतवणूकदारांनी विचार करून योग्य तो निर्णय घ्यावा.

MSTC (मेटल स्क्रॅप ट्रेड कॉर्पोरेशन) ह्या मिनिरत्न कंपनीने IPO साठी DRHP सेबीकडे दाखल केले.

साखरेचे उत्पादन १ ऑक्टोबर २०१८ ते ३१ जानेवारी २०१९ या दरम्यान ८% जास्त झाले.

वेध उद्याचा

• ACC, अपोलो टायर्स, BHEL,इनॉक्स लिजर, मेरिको, PNB, शोभा, सिम्फनी, ट्रेंट, V -मार्ट या कंपन्या आपले तिसऱ्या तिमाहीचे निकाल जाहीर करतील.

BSE निर्देशांक सेन्सेक्स ३६५८२ वर NSE निर्देशांक १०९१२ वर बँक निफ्टी २७१८६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १ फेब्रुवारी २०१९

आज क्रूड US $६०.९२ प्रती बॅरल ते US $६०.९८ प्रती बॅरल, रुपया US $१= Rs ७१.०० ते US $१=Rs ७१.३२ या दरम्यान होते. VIX १५.५४ होते.

आज काळजीवाहू अर्थमंत्री पियुष गोयल यांनी संसदेमध्ये वर्ष २०१९-२०२० साठी अंतरिम अंदाजपत्रक सादर केले. आजच्या अंदाजपत्रकाने मार्केटला संजीवनी दिली. राजकारण आणि अर्थकारण यांचे कधीही पटत नाही. हे दोन्हीही एकमेकांच्या विरुद्ध दिशेने जातात. या वेळेला मात्र हुशारीने केलेले राजकारण आणि सुंदर अर्थकारण यांचा चांगला मेळ घातला गेला असे म्हणावेसे वाटते. शेतकऱ्यांना आणि मध्यमवर्गीयांना खुश करताना आर्थीक शिस्त ( फिस्कल DISCIPLINE) पाळली गेली. फिस्कल डेफिसीट ३.४% वर ठेवली जाईल. या साऱ्यामुळे मार्केटने अंदाजपत्रकाचे स्वागत केले. तेजीच्या मार्केटमध्ये DHFL,तसेच वेदांता आणि हिंदुस्थान झिंक आणि स्टरलाईट टेक्नॉलॉजि या वेदांता ग्रुपच्या कंपन्यांचे शेअर पडत होते. कॉर्पोरेट गव्हर्नन्सच्या संदर्भात वेदांता ग्रुपमध्ये काही समस्या उद्भवल्यामुळे हे शेअर पडले. .
अंदाजपत्रक सादर करताना त्यांनी गेल्या ५ वर्षातील NDA सरकारच्या विविध योजनांच्या उपलब्धीविषयी आढावा घेतला.

या वर्षी फिस्कल डेफिसिट ३.४% तर करंट अकौंट डेफिसिट २.५% राहील

२ हेक्टरपेक्षा कमी शेती असलेल्या शेतकऱ्यांना दर वर्षी Rs ६००० ( Rs २००० च्या तीन हप्त्यात) इन्कम म्हणून त्यांच्या खात्यात जमा केले जातील. यासाठी Rs ७५००० कोटी खर्च येईल.

मच्छीमारीच्या व्यवसायासाठी नवीन डिपार्टमेंट तयार केले जाईल.

पशुपालन करणाऱ्या शेतकऱ्यांना कर्जाच्या व्याजाच्या दरात २% सबव्हेंशन दिले जाईल. कर्जाची परतफेड व्यवस्थित आणि वेळेवर करणाऱ्या शेतकऱ्यांना आणखी ३% सबव्हेंशन दिले जाईल.

गायींची काळजी घेण्यासाठी राष्ट्रीय कामधेनू आयोग स्थापन केला जाईल.

सरकारने बोनस मिळण्यासाठी Rs २१००० पर्यंत पगार असेल तर बोनस मिळेल अशी तरतूद केली.

कामगाराचा अचानक अंत झाल्यास त्याला Rs ६०००००/- नुकसानभरपाई म्हणून मिळतील.

सरकारने श्रमयोगी मानधन योजना जाहीर केली. यात असंघटीत क्षेत्रामधील Rs १५००० पर्यंत पगार असलेल्या कामगाराला त्याच्या ६० व्या वर्षांनंतर दरमहा Rs ३००० पेन्शन मिळेल. यासाठी दर महिन्याला त्या कामगाराला Rs १०० भरावे लागतील.
पुढच्या वर्षात ८ कोटी मोफत LPG कनेक्शन देण्याचे लक्ष्य पुरे केले जाईल.

IT क्षेत्रातील ‘आर्टिफिशियल इंटेलिजन्स’ आणि इतर नवीन कॉन्सेप्टसाठी नॅशनल सेंटर फॉर आर्टिफिशियल इंटेलिजन्स उभारले जाईल.

पब्लिक सेक्टर एंटरप्रायझेसना आता त्यांच्या गरजापैकी २५% गरजा SME कडून आणि त्यातल्या ३% गरजा महिला उद्योजक असलेल्या SME कडून सोर्स कराव्या लागतील.

आता आयकर खात्याचे संपूर्णपणे डिजिटलायझेशन केले जाईल. आयकर रिटर्न खात्याची स्क्रुटिनी आणि असेसमेंट ऑनलाईन होईल.

सरकारचा पुढल्या वर्षीपर्यंत १ लाख गावे डिजिटल कनेक्शनने जोडण्याचा संकल्प आहे.

‘इझ ऑफ डुईंग बिझिनेस’ बरोबरच इझ ऑफ लिविंग पुरवण्याचा सरकार प्रयत्न करेल. याचाच एक भाग म्हणून इलेक्ट्रिक वाहनांना उत्तेजन दिले जाईल. तसेच सोलर आणि इतर ऊर्जा स्रोत वापरणाऱ्या उद्योगांना प्रोत्साहन दिले जाईल.
सरकारने रेल्वेसाठी Rs ६४५८७ कोटींची तर नॅशनल एज्युकेशन मिशन साठी Rs ३८६०० कोटींची तरतूद केली. SC/ST च्या कल्याणासाठी जादा तरतूद केली.

आय करामध्ये ज्या करदात्यांचे उत्पन्न Rs ५ लाखापर्यंत आहे त्यांना आयकर लागू होणार नाही. याचा ३ कोटी करदात्यांना फायदा होईल. पण आयकराच्या ब्रॅकेट्स मध्ये काही फरक केला नाही.

सॅलरीड आणि निवृत्तीवेतन धारकांसाठी स्टॅंडर्ड डिडक्शन Rs ४०,००० वरून Rs ५०,०००/- केली. व्याजावरच्या टीडीएस ची लिमिट Rs १००००/- वरून Rs ४०,०००/- तर घरभाड्यावरच्या टीडीएस साठीची रक्कम Rs १८०,०००/- वरून Rs २,४०,०००/- केली.

जर आपल्याला घर विकून Rs २ कोटींपर्यंत कॅपिटल गेन्स झाला असेल तर आपण तो आता एका ऐवजी दोन घरात गुंतवू शकता. पण ह्या सवलतीचा फायदा आयुष्यात एकदाच घेता येईल. ह्या कॅपिटल गेन्सवर कर भरावा लागणार नाही.
अफोर्डेबल होमसाठीची बिल्डर्सना दिली जाणारी सूट एका वर्षापर्यंत वाढवली. तसेच बिल्डरच्या न विकल्या गेलेल्या इन्व्हेंटरीवर कर लागणार नाही.

सरकारचे भारताची अर्थव्यवस्था ५ वर्षात US $ ५ लाख कोटींची अर्थव्यवस्था तर ८ वर्षात US$ १० लाख कोटींची अर्थव्यवस्था करण्याचे लक्ष्य ठेवले आहे.

आज स्टेट बँकेचे तिसऱ्या तिमाहीचे निकाल चांगले आले. बँकेला Rs ३९५५ कोटी नफा तर NII Rs २२६९१ कोटी झाली. NPA कमी झाले. लोन ग्रोथ १२.१% झाली.

DR रेड्डीजचे तिसर्या तिमाहीचे निकाल चांगले आले. मार्जिन २२.५% राहिले.

ज्युबिलंट लाईफचे तिसर्या तिमाहीचे निकाल चांगले आले. BSE चे निकाल असमाधानकारक होते.

BSE निर्देशांक सेन्सेक्स ३६४६९ NSE निर्देशांक निफ्टी १०८९३ बँक निफ्टी २७०८५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३१ जानेवारी २०१९

आज क्रूड US $ ६२.०७ प्रती बॅरल ते US $ ६२.२६ प्रती बॅरल या दरम्यान तर रुपया US $१= Rs ७०.९२ ते US $१=Rs ७१.१७ या दरम्यान होते. US$निर्देशांक ९५.२३ होता.

आज मार्केटमध्ये शानदार रॅली होती. ‘प्रि बजेट रॅली’ असेच म्हणावे लागेल. लॉन्ग टर्म कॅपिटल गेन्स कर, किंवा STT रद्द होईल अशी मार्केटची धारणा आहे. मार्केटला खुश करण्याचा अर्थमंत्री नक्कीच प्रयत्न करतील असे वाटल्यामुळे मार्केटमध्ये तेजी सुरु झाली. ती टिकली त्यामुळे ‘शॉर्ट कव्हरिंग’ करावे लागले आणि त्यातच आजपासून सुरु झालेले अंदाजपत्रकीय सत्र आणी F &O ची एक्स्पायरी यामुळे तेजी वाढली आणि मार्केटने (सेंसेक्सने) ६५० पाईंट मुसंडी मारली. हे अंदाजपत्रकीय सत्र १३ फेब्रुवारी २०१९ पर्यंत चालणार आहे.

फेडच्या FOMC च्या दोन दिवस चाललेल्या मीटिंग मध्ये रेट न वाढवण्याचा निर्णय घेण्यात आला. तसेच या पुढचे निर्णय सारासार विचार करून घेतले जातील असे सांगितले. फेडच्या धोरणात थोडा सौम्यपणा आला असे वाटते.
‘APPLE’ च्या कामगाराची केस उघडकीस आली आहे. हा कामगार चायनीज होता आणि संवेदनाशील म्हणता येईल असे फोटो काढत होता. ही बाब चीन आणि USA मधील चर्चा गढूळ करू शकते.

व्हेनिझुएला पाठोपाठ आता लिबियाच्या क्रूड पुरवठ्यातही अडचणी येत आहेत. त्यामुळे क्रूडचा रेट वाढत आहे.इराणकडून क्रूड आयात कारण्यासाठी USA ने जो अवधी दिला होता तो वाढवून मिळावा म्हणून सरकार प्रयत्नशील आहे.
उद्या पासून TRAI चे नवीन टॅरीफ नियम लागू होतील. या नियमाविरुद्ध दाखल केलेली याचिका कोलकाता कोर्टांत रद्द झाली .

RBI च्या १२ फेब्रूवारी २०१८ च्या परिपत्रकाविरुद्ध दाखल केलेल्या अर्जाची सुनावणी १९ फेब्रुवारी २०१९ पर्यंत पुढे गेली. (कोणत्याही लोनच्या परतफेडीला १ दिवस जरी उशीर झाला तरी ते खाते NPA करावे अशा सूचना RBI ने बँकांना दिल्या होत्या)

M. D. रंगनाथ यांची आज HDFC बँकेचे ऍडिशनल इंडिपेन्डन्ट डायरेक्टर म्हणून नेमणूक झाली.

जेट एअरवेज मध्ये आपला ग्रुप स्टेक घेणार आहे या बातमीचा अडानी ग्रुपने इन्कार केला.

कोब्रा पोस्टने DHFL वर जे आरोप केले आहेत त्याची सरकारतर्फे चौकशी करण्यात येईल असे सरकारने जाहीर केले. त्यामुळे DHFL चा शेअर पडला.

मोहित मल्होत्रा यांची डाबरचे CEO म्हणून नियुक्ती झाली.

L &T टेक्निकल सर्व्हिसेसच्या OFS ला थंडा प्रतिसाद मिळाला.

SQS इंडियाच्या बोर्ड ऑफ डायरेक्टर्स ची शेअर BUY BACK वर विचार करण्यासाठी आज मीटिंग आहे.
काल मार्केट संपल्यावर ICICI बँकेचे तिसर्या तिमाहीचे निकाल आले. बँकेचे निकाल चांगले आले. ICICI बँकेने तुमच्याजवळ जर १० शेअर्स असतील तर १ बोनस शेअर जाहीर केला.

इंडिया बुल्स हाऊसिंग फायनान्स या कंपनीचे तिसऱ्या तिमाहीचे निकाल ठीक आले. कंपनीने Rs १० प्रती शेअर अंतरिम लाभांश जाहीर केला.

इझ्राएल एरोस्पेस बरोबर कोची शिपयार्डने US $ ९३ मिलियनचे काँट्रॅक्ट केले.

BEL, जमना ऑटो, IFB इंडस्ट्रीज, शेमारू, LG बाळकृष्ण, सोलारा एक्टीव्ह फार्मा, सुंदरम फायनान्स( Rs ५ प्रती शेअर अंतरिम लाभांश) , पेट्रोनेट एल एन जी, पॉवर ग्रीड, कॅस्ट्रॉल, रत्नमणी मेटल, EIH, इंटरनॅशनल पेपर यांचे तिसर्या तिमाहीचे निकाल चांगले आले.

इमामी, V गार्ड, कलाहस्ती पाईप्स यांचे निकाल असमाधानकारक होते.

देना बँकेचे निकाल घाटा, आणि NPA कमी झाल्यामूळे ठीकच म्हणावे लागतील.

अजंता फार्माचे तिसऱ्या तिमाहीचे निकाल असमाधानकारक आले. कंपनीने Rs १३०० प्रती शेअऱ या भावाने शेअर BUY बॅक जाहीर केला.

BSE निर्देशांक सेन्सेक्स ३६२५७ NSE निर्देशांक निफ्टी १०८३१ बँक निफ्टी २७२९५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३० जानेवारी २०१९

आज क्रूड US $ ६१.४६ प्रती बॅरल ते US $ ६१.७१ प्रति बॅरल या दरम्यान तर रुपया US $१=Rs ७१.२३ ते US $१=Rs ७१.३२ या दरम्यान होते. US $ निर्देशांक ९५.७४ होता.

USA ने व्हेनिझुएलावर घातलेल्या निर्बंधामुळे आणि सौदी अरेबियाने पुढच्या ओपेक मीटिंगमध्ये उत्पादनात कपात करण्याचा निर्णय घेण्याची शक्यता आहे असे सांगितल्यामुळे क्रूडचे भाव वाढले. चीन आणि USA यांच्यात वॉशिंग्टन येथे वाटाघाटी सुरु झाल्या.

सरकारने आज घोषणा केली की जे अंदाजपत्रक १ फेब्रुवारीला सादर केले जाईल ते अंतरिम अंदाजपत्रक नसून सर्वसाधारण अंदाजपत्रक असेल. याच अर्थ हे अंदाजपत्रक सर्वस्पर्शी आणी सर्व विषयांवर तरतुदी करू शकेल. त्यामुळे सर्वजण आपापल्या पोझिशन क्लोज करण्याच्या तयारीत आहेत असे जाणवत आहे.

कोल्ड स्टोरेज चेन, वेअरहॉऊसींग, यांच्यासाठी सप्लाय लिंकेज फंड तयार केला जाईल. बॅकवर्ड आणि फॉरवर्ड लिंकेजसाठी या फंडाचा उपयोग केला जाईल.

सरकारने असे जाहीर केले की बँक ऑफ इंडिया, OBC, फेब्रुवारी २०१९ मध्ये तर कॉर्पोरेशन बँक आणि अलाहाबाद बँक मे २०१९ मध्ये आणि बँक ऑफ महाराष्ट्र योग्य वेळेला PCA मधून बाहेर येण्याची शक्यता आहे.

सरकारने सरकारी बँकांनी जी जादा Rs ५१००० कोटीची मागणी केले त्यावर विचार करण्याचे आश्वासन दिले. पण यासाठी सरकार दोन तिमाहीच्या निकालांचे निरीक्षण आणि परीक्षण करेल आणि मगच निर्णय घेईल.

सरकारने इलेक्ट्रिक वाहनांना उत्तेजन देण्यासाठी आवश्यक असणाऱ्या बॅटरीवरील आणि पार्टसवरील इम्पोर्ट ड्युटी कमी केली. याचा फायदा एक्झाईड, अमर राजा बॅटरी, HBL इलेक्ट्रिक यांना होईल.

DHFL च्या CEO यांनी कालच्या कोब्रा पोस्ट मधील विधानांना उत्तरे दिली. आमची कंपनी सुप्रस्थापीत असून कंपनीने आतापर्यंत कोणत्याही कर्जाच्या परतफेडीत डिफाल्ट केलेला नाही असे सांगितले.

NTPC या ऊर्जा क्षेत्रातील सरकारी कंपनीने तुमच्याजवळ जर ५ शेअर्स असतील तर १ बोनस शेअर जाहीर केला.

कोल इंडिया ही कंपनी ४ फेब्रुवारी २०१९ बोर्ड ऑफ डायरेक्टर्सच्या बैठकीत शेअर BUY BACK वर विचार करेल.

CYIENT ही IT क्षेत्रातील कंपनी १ फेब्रुवारी २०१९ रोजी बोर्ड ऑफ डायरेक्टर्सच्या बैठकीत शेअर्स BUY बॅकवर विचार करेल.

मिंडा इंडस्ट्रीज KPIT इंजिनीअरिंगचा टेलिमॅटिक बिझिनेस Rs २५ कोटींना खरेदी करेल.

कपुर कुंटुंबामध्ये समझोता होऊन प्रत्येक गटाने येस बँकेच्या बोर्ड ऑफ डायरेक्टर्स वर आपला एक प्रतिनिधी डायरेक्टर म्हणून नेमावा असे ठरले. या प्रमाणे शगुन कपूर यांची डायरेक्टर म्हणून निवड झाली

L &T टेक्नॉलॉजिकल सर्व्हिसेसच्या OFS चा नॉनरिटेल कोटा ४४% भरला.

BSE ग्वार सीड आणि ग्वार गम या दोन ऍग्री कमोडिटीजमध्ये वायदा सुरु करण्यासाठी सेबीने परवानगी दिली..

टॉरंट फार्मा आणि विनंती ऑरग्यानिक्स यांचे निकाल खूपच चांगले आले.

हेरिटेज फूड्स, महिंद्रा लॉजिस्टिक्स, JSW एनर्जी, अशोक बिल्डकॉन, BF युटिलिटीज, MAS फायनान्सियल, एल आय सी हाऊसिंग फायनान्स, KEC इंटरनॅशनल, ALKYLI AMINES, गुजरात पिपावाव, यांचे तिसर्या तिमाहीचे निकाल चांगले आले.

हेक्झावेअरची चौथ्या तिमाहीचे निकाल सर्वसाधारण आले.

बजाज ऑटोचे निकाल चांगले आले. मात्र यात Rs ४७० कोटी इतर उत्पन्नाचा समावेश आहे. मार्जिन कमी झाले.

ज्युबिलंट फूड्सचा तिसऱ्या तिमाहीचा निकाल आला. सेम स्टोर्स ग्रोथ चांगली झाली.

डंकिन डोनट्सची प्रगती झाली. ३५ नवीन स्टोर्स उघडले. 

IOC चा तिसऱ्या तिमाहीचा निकाल आला. उत्पन्न, नफा, GRM या सर्व आघाड्यांवर पीछेहाट झाली. कंपनीबरोबर केलेल्या क्रूड सप्लायच्या करारांचे इराण बरोबर रिन्यूवल करण्यासाठी बोलणी चालू आहेत असे सांगितले.

BSE निर्देशांक सेन्सेक्स ३५५९१ NSE निर्देशांक निफ्टी १०६५१ बँक निफ्टी २६८२५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २९ जानेवारी २०१९

आज क्रूड US $५९.९६ प्रती बॅरल ते US $६०.०४ प्रति बॅरल या दरम्यान तर रुपया US १=Rs ७१.०५ ते US $१= Rs ७१.१४ या दरम्यान होते.

ओळीने तिसर्या दिवशीसुद्धा मार्केट मंदितच होते. याला कारण म्हणजे सगळीकडे पसरलेली अनिश्चितता ! हे लोकलुभावन अंदाजपत्रक असेल त्यामुळे डेफिसिट वाढेल आणि मूलभूत गोष्टींसाठी पैसा उरणार नाही. म्हणजेच सोप्या भाषेत सांगायचे झाली तर अनावश्यक बाबींवर खर्च वाढेल. इन्फ्रास्ट्रक्चरसाठी फारसा पैसा उपलब्ध होणार नाही. त्यातूनच गुरुवारी असलेली एक्स्पायरी, फेडची पॉलिसी यामुळे अनिश्चिततेत झालेली वाढ आणि कंपन्यांच्या तिसर्या तिमाहीच्या निकालांमुळे बसणारे धक्के ही सर्व कारणे मार्केटमधील मंदीमागे आहेत. ‘कोब्रा पोस्ट ‘ ची प्रेस कान्फरन्स दुपारी झाली. त्यांनी DHFL बद्दल बरीच चांगली वाईट विधाने केली. त्यामुळे शेअर पडला. दिवसाच्या अखेरीस मात्र मार्केटने आपला लॉस भरून काढला.

आजपासून फेडच्या FOMC ची दोन दिवसांची मीटिंग चालू झाली.

सरकारने आज एक मोठी घोषणा केली. सरकार अंदाजपत्रकात ‘युनिव्हर्सल बेसिक इन्कम स्कीम’ आणेल. यात दर महिन्याला योजनेत दिलेल्या निकषांमध्ये बसणार्या नागरिकाला एक विशिष्ट रक्कम बेसिक इन्कम म्हणून दिली जाईल. हे निकष चल संपत्ती, अचल संपत्ती, इन्कम तसेच त्या माणसाचा व्यवसाय या संबंधी असू शकतात. ही योजना अमलात आल्यावर सरकार हळू हळू सर्व प्रकारच्या सबसिडी देणे बंद करेल. सध्या तरी दोन्ही योजना समांतर चालू राहतील.
ONGC ची शेअर बाय बॅक ऑफर २९/०१/२०१९ पासून सुरु झाली. ती ११/०२/२०१९ ला संपेल. आपल्याजवळ जर ONGC चे शेअर असतील तर आपल्याला आपले किती शेअर्स कंपनी बाय बॅक करेल या संदर्भात कंपनीकडून लेटर येईल. आपण आपल्याजवळ असलेल्यापैकी काही किंवा सर्व शेअर्स बाय बॅक साठी देऊ शकता. पण कंपनी लेटरमध्ये असलेल्या संख्येवढेच शेअर्स बाय बॅक करते. जर कंपनीकडे बाय बॅक साठी कमी शेअर्स आले तर कंपनी तुम्ही देऊ केलेले जादा शेयर्स बाय बॅक करू शकते. शेअर बाय बॅक या कॉर्पोरेट एक्शनविषयी आणि त्याच्या प्रक्रियेविषयी खुलासेवार माहिती माझ्या ‘मार्केट आणि मी’ या पुस्तकात दिली आहे

पर्सिस्टंट सिस्टिमचा तिसर्या तिमाहीचे निकाल चांगले आले. कंपनी Rs ७५० प्रती शेअर या भावाने ३० लाख शेअर्स ओपन मार्केटमध्ये बाय बॅक करेल.

शॉपर्स स्टॉप,प्राज इंडस्ट्रीज, सेरा सॅनिटरी वेअर, इन्फो एज, रामको सिमेंट, OBC, HDFC, बजाज फायनान्स, बजाज फिनसर्व, एक्सिस बँक, ‘HCL TECH’ यांचे तिसऱ्या तिमाहीचे निकाल चांगले आले.

FACT या कंपनीचा तिसऱ्या तिमाहीचा निकाल अत्यंत निराशाजनक आला. त्यात त्यांच्या ऑडिटर्सनी कंपनीची नेट वर्थ निगेटिव्ह झाली असा शेरा लिहिल्यामुळे कंपनीच्या सॉल्व्हन्सी विषयी प्रश्नचिन्ह निर्माण झाले.

स्ट्राइड्स फार्मा, कन्साई नेरोलॅक, सिएट टायर्स, बँक ऑफ बरोडा यांचे निकाल असमाधानकारक होते.

२ सिटी गॅस नेट वर्क संदर्भातील केसमध्ये सुप्रीम कोर्टाने अडानी गॅसच्या बाजूने निकाल दिले.

इक्विटास स्माल फायनान्स बँकेच्या लिस्टिंगची योजना आहे.

जर जेट एअरवेजच्या कर्जाचे शेअर्स मध्ये रूपांतर करायचा निर्णय झाला तर SBIचा त्यात १५% स्टेक असेल.

BSE निर्देशांक सेन्सेक्स ३५५९२ NSE निर्देशांक निफ्टी १०६५२ बँक निफ्टी २६५७३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २८ जानेवारी २०१९

आज क्रूड US $ ६०.९४ प्रती बॅरल ते US $ ६१.०४ प्रती बॅरल तर रुपया US $१=Rs ७१.०७ ते US $१=Rs ७१.१६ या दरम्यान होते. US $ निर्देशांक ९५.८७ होता. VIX १८.६४ ते १९.४१ यादरम्यान होते.

चीनमध्ये या आठवड्यात सुट्टी आहे. USA मधील शट डाऊन संपुष्टात आले. पण आज भारतीय मार्केट मात्र मंदीत होते. कारण हा एक्स्पायरीचा आठवडा आहे आणि येऊ घातलेल्या अंदाजपत्रकामुळे अनिश्चितता आहे. त्यामुळे सेन्सेक्स ४०० पाईंट मंदीत होते फक्त IT क्षेत्रातील शेअर्स तेजीत होते.लोअर हाय आणि लोअर लो सुरु झाल्यामुळे मंदीचा ट्रेण्ड दिसतो आहे. २० दिवसांचे ५० दिवसांचे १००दिवसांचे, २०० दिवसांचे SMA मार्केटने तोडले त्यामुळे मार्केट मध्ये वीकनेस आला. आज VIX ६.४% ने वाढला.

सोन्याचा भाव गेल्या पांच वर्षातील कमाल स्तरावर होता.

आज काळजीवाहू अर्थमंत्री पियुष गोयल यांची सार्वजनिक क्षेत्रातील सरकारी बँकांच्या प्रमुखांबरोबर बैठक झाली. FY २० च्या पहिल्या भागात द्यावयाच्या भांडवलाची गरज या बैठकीत या बँकांनी व्यक्त केली. सरकार या विषयावर १ फेब्रुवारी २०१९ रोजी निर्णय घेईल. बँकांनी आपल्या अडचणी आणि उपलब्धी या बैठकीत व्यक्त केल्या.

सरकार इलेक्ट्रॉनिक मीडियावर केल्या जाणार्या जाहिरातींचे दर वाढवण्याची शक्यता आहे. त्यामुळे सन टीव्ही, झी एंटरटेनमेंट यांच्या शेअर्स वाढले

RBI ने ओपन मार्केट ऑपरेशन करून बॉण्ड यिल्ड कंट्रोलमध्ये ठेवले आहे.

जी औषधे डॉक्टरच्या प्रिस्क्रिप्शन शिवाय मेडिकल शॉपमध्ये सहजगत्या उपलब्ध असतात त्यांचे वर्गीकरण करण्यासाठी सरकार आता या औषधांसाठी निकष ठरवणार आहे. ही औषधे आता विमानतळ , रेल्वे स्टेशन्स आणि इतर ठिकाणी मिळू शकतील. जर या निकष ठरवण्यामुळे ‘ओव्हर द कौंटर’ औषधांची संख्या वाढली तर सर्वसाधारणच फार्मा कंपन्यांसाठी मार्केटची व्याप्ती वाढेल. फार्मा कंपन्यांना त्यांच्या OTC औषधांची प्रिंट मेडिया आणि इलेक्ट्रॉनिक मीडियावर जाहिरात करायला परवानगी दिली जाईल.अशी शक्यता आहे.

NIIT टेकच्या प्रमोटर्सनी २२ जानेवारी २०१९ रोजी आपले २५ लाख शेअर्स गहाण ठेवले. कंपनीचे प्रमोटर्स आपले शेअर्स जेव्हा कंपनीला गरज असेल तेव्हा गहाण ठेवतात आणि कंपनीची अडचण संपल्यावर ते सोडवतात. पण हे प्रमाण काहीवेळा सुज्ञतेची मर्यादा ओलांडते तेव्हा मार्केटला ते पसंत पडत नाही. अशा काही कंपन्या पुढीलप्रमाणे :- CG पॉवर, रिलायन्स नाव्हल, झी लर्न, स्टरलाईट टेक्नॉलॉजी, अपोलो हॉस्पिटल्स, GRANUALS.

IDBI ऑफिसर्स असोसिएशनने एल आय सी आणि IDBI यांच्यातील डीलच्या विरुद्ध सुप्रीम कोर्टात केलेल्या अर्जाची सुनावणी ४ फेब्रुवारी २०१९ रोजी होईल.

आज सिटी युनियन बँक, TTK प्रेस्टिज, गोदरेज प्रॉपर्टीज ( कंपनी तोट्यातून फायद्यात आली ) सेंच्युरी टेक्सटाईल, KPR मिल्स, एस्कॉर्टस, श्रीराम ट्रान्सपोर्ट, पिरामल इंटरप्रायझेस ( इतर इन्कम Rs १०३ कोटी ), RBL बँक, कॅनरा बँक या कंपन्यांचे तिसऱ्या तिमाहीचे निकाल चांगले आले.

M M फायनान्स, महिंद्रा लाईफ स्पेस, काँकॉर, यांचे तिसर्या तिमाहीचे निकाल ठीक आले.

राणे ब्रेक्स, बँक ऑफ इंडिया, वोकहार्ड, यांचे तिसऱ्या तिमाहीचे निकाल असमाधानकारक होते.

जेट एअरवेज त्यांना असलेल्या कर्जाचे शेअर्सचे रूपांतर करण्यासाठी २१ फेब्रुवारी २०१९ रोजी होणाऱ्या EGM ( एक्सट्राऑर्डिनरी जनरल मीटिंग) मध्ये शेअरहोल्डर्सकडून परवानगी मागेल.

BSVI च्या निकषामुळे ऑटो सेक्टरच्या अडचणी वाढतील. सेफ्टी नॉर्म्सचे पालन करण्यासाठी येणारा उत्पादन खर्च १०% ते २०% वाढेल. २ व्हिलर्सला त्रासहोईल. जुनी इंजिन दुरुस्त करण्याऐवजी नवीन इंजिन बसवणे योग्य होईल. कार सेगमेंटमध्ये डिझेल कारचा उत्पादन खर्च Rs १लाखापर्यंत वाढेल. ट्रक्सवर परिणाम होईल.अशोक लेलँड वर परिणाम होईल.

झी ग्रूपचे CEO सुभाष चंद्र यांनी आपल्या काही चुका झाल्या तसेच काही निर्णय चुकीचे सिद्ध झाले याची गुंतवणूकदार, शेअरहोल्डर्स, आणि कर्ज देणार्या बँका यांच्याकडे दिलगिरी व्यक्त करत कल्पना दिली. त्याच बरोबर मी आमचा ग्रुपमधला स्टेक विकण्याचा प्रयत्न करत आहे. हे डील झाल्यावर आमच्या ग्रुपची स्थिती सुधारेल असा विश्वास व्यक्त केला. भारताच्या कॉर्पोरेट इतिहासातील अशा प्रकारची ही पहिली घटना आहे. सुभाष चंद्र यांनी कॉर्पोरेट गव्हर्नन्सचा सुंदर इतिहास रचला त्यांच्या ग्रुपला कर्ज देण्याऱ्या बँकांनी त्यांना त्यांचा स्टेक विकण्याचे डील पूर्ण करण्यासाठी तीन महिन्यांची मुदत दिली त्यामुळे या ग्रूपचे पडत असलेले शेअर्स काही प्रमाणात सावरले.

श्री सिद्धार्थ यांना त्यांचा माईंड ट्री मधील स्टेक विकण्यास मनाई केली. याचा परिणाम कॅफे कॉफी डेच्या शेअर वर झाला.
ल्युपिनच्या पिथमपूर युनिटची USFDA कडून दुसऱ्या वेळेला तपासणी झाली. यात ६ त्रुटी दाखवल्या.

इंडोको रेमिडीज च्या गोवा युनिटमध्ये USFDA ने काही त्रुटी दाखवल्या.

DR रेड्डीज च्या मिर्यालगुडा याची तपासणी २८ जानेवारी २०१९ लापूर्ण झाली त्यात १ त्रुटी दाखवली

अल्ट्राटेक सिमेंटने जे बिनानी सिमेंटचे अक्विझिशन केले त्याची फिक्स्ड कॉस्ट त्यांना भारी पडते आहे. सरकारी निर्बंधांमुळे ते सिमेंटच्या किमती वाढवू शकत नाहीत.

आज अडानी ग्रुप आणि अनिल अंबानी ग्रुपचे शेअर्स पडले. हा काही राजकीय कारणांचा परिणाम आहे.

BSE निर्देशांक सेन्सेक्स ३५६५६ NSE निर्देशांक निफ्टी १०६६१ बँक निफ्टी २६६५३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!